بہشتِ کوچۂ نظر ہے بہارِ نظر تِرے نثار میں اے شوق بیقرارِ نظر تلاشِ جلوۂ نظر ہے شعارِ نظر ہر اعتبار سے اونچا ہے اعتبارِ نظر نگاہِ خاطرِ مضطر نواز کے صدقے مِری طرف بھی اشارہ ہو اے قرارِ نظر تِری تلاش ہے اے رونقِ دیارِ حبیبﷺ تِرے بغیر ہے اُجڑا ہوا دیارِ نظر بہارِ گلشنِ طیبہ بسی ہے آنکھوں میں ہے رشکِ ہشت بہشتِ بریں کنارِ نظر تِرا جمالِ شب و صبحِ تابناک ِ حیات تِرا خیال مہ و مہرِ نور بارِ نظر اٹھی تو آپ کے دستِ کرم کی سِمت اٹھی ہے کتنا محکم و مضبوط اختیارِ نظر ہجومِ نور کا عالم ہے صبحِ شامِ فراق شعاعِ مہرِ مدینہ میں گم ہے تارِ نظر وہ بس رہے ہیں نظر میں زہے نصیب اختؔر یہ سر زمینِ مدینہ ہے یاد یارِ نظر ۔۔۔
مزید
کلسِ گنبدِ خضریٰ ہے مہِ عیدِ نظر آج نِکلا ہے کہیں حوصلۂ دیدِ نظر تِرے ذرّات کو حاصل ہے شعورِ جلوہ ہم بھی ہیں خاکِ عرب طالبِ تجدیدِ نظر تابِ نظارہ پہ ہے آیۂ مَازَاغ گواہ تا نہ اے صاحبِ معراج ہو تردیدِ نظر ختم ہوتا ہے جو بابِ کرم آقاﷺ پر کتنا پاکیزہ ہے افسانۂ امیدِ نظر بارِ جلوہ نہ ہو زنہار تِری بے تابی شوقِ نظارہ سے ہر بار ہے تاکیدِ نظر قصۂ ہجر کا آغاز ابھی باقی ہے اشکِ حسرت تو ہیں منجملۂ تمہیدِ نظر اللہ اللہ رے خورشیدِ شفاعت کا طلوع بن گئی صبحِ قیامت سحرِ عیدِ نظر دامنِ رحمتِ حق ہے سرِ عالم پہ دراز ہے گھنی چھاؤں تِری دھوپ بھی خورشیدِ نظر عیدِ نظارۂ وحدت ہوئی آنکھوں کو نصیب ہے ضیا بار حِرا سے مہِ توحیدِ نظر روضۂ مہرِ دنیٰ پیشِ نظر ہے اختؔر آج کس بُرج میں تابندہ ہے ناہیدِ نظر ۔۔۔
مزید
اللہ اللہ رے اعجازِ کفِ پائے حضورﷺ بن گئی قبر مِری عرشِ معلّائے حضورﷺ آپﷺ کی چشمِ کرم لطف جو فرمائے حضورﷺ مجھ کو گھر بیٹھے مدینہ نظر آجائے حضورﷺ آج ہر موج میں ہیں بخشش و رحمت کے گُہر عاصیو! جوش پہ ہے حشر میں دریائے حضورﷺ آپ ہیں حامد و محمود و محمّد احمدﷺ کتنے پاکیزہ ہیں اللہ رے اسمائے حضورﷺ قابَ قَوسَین تو اکِ حد مِرے ادراک کی ہے ورنہ اس حد سے بھی آگے ہے کہیں جائے حضورﷺ آپ سے پائی ہے معراج نے معراجِ کمال منزلِ اوج ہے ممنونِ کفِ پائے حضورﷺ بے زرو پَر کو بھی طیبہ کی زیارت ہو جائے ہو اگر عائلِ اعجازِ تمنّائے حضورﷺ ہر نَفَس آپ کے اِک شمعِ کرم کا پَر تَو موجزن زیست کی رَگ رَگ میں ہے دریائے حضورﷺ نعت ہی کے لئے پائی ہے زباں اختؔر نے آپ کے گیت شب و روز نہ کیوں گائے حضورﷺ ۔۔۔
مزید
مجرم ہیں شہا! دے گا ہمیں کون اماں اور برگشۃ نصیبوں کا ٹھکانہ ہے کہاں اور زاہد! تِری دنیا ہے الگ میرا جہاں اور جنت کا سماں اور ہے طیبہ کا سماں اور گو پردۂ کثرت رُخِ روشن پہ ہے لیکن وحدت کی تجلّی ہوئی جاتی ہے عیاں اور سجدے ہیں میسّر جنہیں طیبہ کی زمیں پر اُن عشق کے بندوں کی جبیں کا ہے نشاں اور اے دامنِ محبوبِﷺ مدینہ تِرے صَدقے مِلتی نہ قیامت میں کہیں ہم کو اماں اور گو دِل کو سکوں ہجرِ مدینہ میں ہے لیکن جل بجھتی ہے جب شمع تو اٹھتا ہے دھواں اور ہے بزمِ سخن کیف میں ڈوبی ہوئی اختؔر اِک نعت پھڑکتی ہوئی اے زمزمہ خواں اور ۔۔۔
مزید
سودائے عِشق سرورِ دیں یوں ہو سرفراز میرا سرِ نیاز ہو دیوار و در نواز ہر آہ پر ہے گنبدِ خضریٰ نظر نواز اے اضطرابِ دید یونہی عمر بھر نواز ہر صبح ان کے شہر کی شامِ بہشت ہے ہر رات ہے دیارِ نبیﷺ کی سحر نواز کعبہ کسی کا عرشِ بریں ہے کسی کا نام ہیں اِس قدر کچھ ان کے قدم رہگذر نواز اے نامِ مصطفیٰﷺ تِری عظمت کے میں نثار تیرے طفیل میری دعا ہے اثر نواز دنیا کو کوئی آنکھ اٹھا کر نہ دیکھتا ہوتے جو تم نہ یُوں پسِ پردہ نظر نواز اختؔر مدام اُن پر درود و سلام ہو جن کے فراق کی ہے خلش بھی جگر نواز ۔۔۔
مزید
دل ہے محوِ خیالِ قبلۂ ناز اللہ اللہ عاشِقوں کی نماز نازنینِ خدا، سراپا ناز ہر ادا تیری ’’قَد نریٰ اعجاز‘‘ مظہرِ ذات و نورِ دِل افروز آپ آئینہ، آپ آئینہ ساز جدّ و جہدِ حیات، کوئے حبیب تا دیارِ نبیﷺ مِری تگ و تاز اصل آئینۂ حقیقت آپﷺ آپﷺ کی ذات عینِ حسنِ مجاز تو نے لاکھوں کو زندگی بخشی اے مدینے کی موت! عمر دراز گرمئ حسن یک نگاہِ خلوص ہر دلِ سنگ جس سے شمعِ گداز اَوج ایسا کہ عرش زیرِ قدم ہیں گدا ہم نشیں‘ یہ شانِ نیاز ہر ادا آپﷺ کی خدا بھاتی حق پسند آپﷺ کا ہر اِک انداز آپ دانائے راز و راز کُشا آپﷺ سر تا پا راز و پردۂ راز پینے والے پئیں مئے کوثر ہم تو ہیں خوگرِ شرابِ حجاز چھیڑیئے نغمۂ سرِ فاراں ذرہ ذرہ ہے گوش بر آواز بر ’’ادب گاہ‘‘ آمدہ اختؔر سوئے من یک نگاہ، بندہ نواز ۔۔۔
مزید
مرحبا صلِّ علیٰ عزمِ کلیمانۂ دل ہے حبیبی اَرِنی نعرۂ مستانۂ دل نغمۂ درد ہے یا قصّۂ جانانۂ دل مطلعِ نعت ہے یا سرخئ افسانۂ دل رُخ ہے کعبہ کی طرف ہاتھ مدینے کی طرف کتنا شاہانہ اندازِ گدایانۂ دل شانۂ پنجۂ قدرت سے سنورنے والے گیسوئے نور کہاں؟ اور کہاں شانۂ دل یادِ کعبہ کے فدا، حسرتِ طیبہ کے نثار آج مکّہ بھی، مدینہ بھی کاشانۂ دل داغِ ہجرِ مدنی چاند تِری عمر دراز جگمگاتا ہی رہے تجھ سے نبی خانۂ دل بادۂ عشقِ محمّدﷺ سے ہے لبریز مگر کبھی چھلکا نہیں اختؔر مِرا پیمانہ دل ۔۔۔
مزید
سلطانِ رسلﷺ سے تابہ خدا، اللہ سے تا سلطانِ رسلﷺ ایسی بھی ہے منزل صرف جہاں اللہ ہے یا سلطانِ رسلﷺ لو وہ لبِ کوثر آپہنچے اے صلِّ علٰی سلطانِ رسلﷺ وہ دوڑ پڑے رندانِ حرم کہتے ہوئے یا سلطانِ رسلﷺ کونین کے ذرّے ذرے میں ہے نور کا عالم کیا کہنا ہیں یوسفِ بزمِ کن فیکون نو شاہِ دنیٰ سلطانِ رسلﷺ مانا کہ خلیل اللہ بھی ہیں، نبیوں میں کلیم اللہ بھی ہیں ہیں آپ مگر اے صلِّ علیٰ محبوبِ خدا سلطانِ رسلﷺ وہ جھوم کے برسیں رحمت کی گھنگور گھٹائیں محشر میں وہ دوش پہ آئے کھولے ہوئے گیسوئے دوتا سلطانِ رسلﷺ یہ نقطۂ سرِّ وحدت ہیں، یہ مرکزِ دورِ کثرت ہیں خالق ہے جہاں موجود، وہاں ہیں جلوہ نما سلطانِ رسلﷺ کس طرح سکوں پائیگا جنوں، دیوانوں کا عالم کیا ہوگا جنت میں اگر پائی نہ تِرے کوچے کی ہوا سلطانِ رسلﷺ واللہ تمہاری ذات سے ہے تابندہ چراغِ لم یَزَلی اے ماہِ مبیں! اے آئینۂ اللہ نما سلطانِ رسلﷺ فیضانِ ضیؔا سے اختؔر کا دل ۔۔۔
مزید
زندگی ہم کو ملی سرورِ ذیشاںﷺ کے طفیل یہ بہاریں ہیں اسی جانِ بہاراںﷺ کے طفیل پھول ہنستے ہیں تمہارے لبِ خنداں کے طفیل جگمگاتے ہیں ستارے درِ دنداں کے طفیل شب مہک بار ہے زلفِ شہِ دوراںﷺ کے طفیل مہر درکف ہے سحر، عارضِ تاباں کے طفیل آپﷺ کی ذات ہُوَاللہُ اَحَد کی ہے دلیل رب کا عرفان ہوا آپﷺ کے عرفاں کے طفیل بقعۂ نور ہے ہر گوشۂ ایوانِ حیات بدر کے چاند ترے روئے درخشاں کے طفیل نامِ نامی ہے سرِ لوحِ کتابِ ہستی زندگی ہوگئی اَنمول اِسی عنواں کے طفیل نہیں شکوہ مجھے اب بے سر و سامانی کا بخدا تِری تمنّا، تِرے اَرماں کے طفیل صدقے ہو کر تِری زلفوں پہ برستی ہے گھٹا ابر اٹھتا ہے ترے سایۂ داماں کے طفیل شاعرِ بزمِ رسالتﷺ ہے خطابِ اختؔر یہ اُسے اَوج مِلا حضرتِ حسّاں کے طفیل ۔۔۔
مزید
اے خدا کے حبیبﷺ عرش مقام تم پہ بے انتہا درود و سلام تیرا دَر مامنِ خواص و عوام سایۂ لطفِ حق، پناہِ انام آمدِ سید الرسلﷺ کے طفیل پیر کا دن ہے سید الایّام المدد شوقِ دیدارِ ارضِ حرم ہم بھی نکلے ہیں باندھ کر احرام صاحبِ سیرِ منزلِ اَسریٰ تیرے تابع ہے گردشِ ایّام موت آئی جنہیں مدینے ہیں مل گئی اُن کو زندگی دوام ہیں جو زلف و رُخِ نبیﷺ پہ نثار کتنے رنگیں ہیں اُن کے صبح و شام اے ھُوَ الاَوّلُ وَھُوَ الآخِر تو ہی آغاز ہے تو ہی انجام وہ مدینہ ہو یاد یادِ حرم سجدہ ریزی سے رکھئے اختؔر کام ۔۔۔
مزید
دل ہے نثارِ سرورِ عالمﷺ عاشقِ زارِ سرورِ عالمﷺ ارضِ حرم سے عرشِ علیٰ تک، عرشِ علیٰ سے قصرِ دنیٰ تک راہ گزارِ سرورِ عالمﷺ مصحفِ حق کی آیت آیت، مصحفِ حق کا نقطہ نقطہ نقش و نگارِ سرورِ عالمﷺ باغِ جناں سے باغِ جہاں تک، باغِ جہاں سے گلشنِ جاں تک فیض بہارِ سرورِ عالمﷺ ماہِ منیرِ شامِ غریباں، نیّرِ صبحِ تِیرہ نصیباں لیل و نہارِ سرورِ عالمﷺ خُلق و محبت، رحمت و رأفت، مہر و مروت، لطف و عنایت حُسنِ شعارِ سرورِ عالمﷺ غازۂ روئے مہرِ درخشاں، سرمۂ چشمِ ماہِ تاباں خاکِ دیارِ سرورِ عالمﷺ سب سے اونچا، سب سے بالا، زیبِ اَوجِ عرشِ معلّی تختِ وقارِ سرورِ عالمﷺ قصرِ حرم کا گوشہ گوشہ، خاکِ عرب کا ذرّہ ذرّہ آئینہ وارِ سرورِ عالمﷺ ان کی چمک سے، ان کی دَمک سے، ان کی مہک سے، ان کی لہک سے پھول ہیں خارِ سرورِ عالمﷺ ہے یہ دعائے اخترِؔ عاصی موت ہو حاصل مثلِ شہیؔدی پیشِ مزارِ سرورِ عالمﷺ ۔۔۔
مزید
بہاروں کا مرکز دیارِ مدینہ نہ کیوں جنّتیں اس پہ قربان جائیں ہیں فردوس برکف، گلستاں بداماں تمہاری گلی کی معطّر ہوائیں ہے طٰہٰ جبیں اور والّلیل گیسو حسیں چشمِ مازَاغ، قوسین اَبرو خدا کی قسم مرکزِ حسن ہے تو، جمالِ خدا کی ہیں مظہر ادائیں جو بیمارِ رنج و اَلم ہو چکے ہیں، جونخچیرِ ظلم و ستم ہوچکے ہیں جو مایوسِ لطف و کرم ہو چکے ہیں، درِ مصطفیٰﷺ پر نصیب آزمائیں دیارِ محمدﷺ بہشتِ نظر ہے، مہک پاش و گل پوش ہر رہگذر ہے مقدّس زمیں ہے مقدس سفر ہے، فرشتے نہ کیوں اپنی آنکھیں بچھائیں وہ چُھپنے لگا عاصیو مہرِ محشر، وہ دیکھو ہوئیں رحمتیں سایہ گستر وہ کھولیں محمدﷺ نے زلفیں معنبر، وہ اُٹھیں وہ اٹھیں کرم کی گھٹائیں کہیں عکسِ عارضِ ضحٰی بن کے چمکا، ہے منظر کہیں زلف کے پیچ و خم کا ہر آیت میں جلوہ ہے حُسنِ کرم کا، ہیں ضَو بار قرآں میں تیری ادائیں الہٰی نظر آئیں جلوے کرم کے، میسّر جبیں کو ہوں سجدے حرم کے اِس اختؔر ۔۔۔
مزید
خوش آمدید