معروضہ ببارگاہ مرشدِ کامل استاد العلماء صدر الافاضل مراد آبادی

نعیم دین ملت ناصرِ شرع مبیں تم ہو
معینِ اہلِ سنت ناشر احکامِ دین تم ہو

لقب صدرالافاضل آپ نے پایا زمانہ میں
امامِ اہل سنت دین کے حبل متیں تم ہو

ہو ملجا اہلِ دین کے اور ماوٰی اہلِ ملّت کے
وہابی کا جگر ہو جس سے عشق وہ سیف دیں تم ہو

وہابی دیوبندی قادیانی نیچری سارے
فنا دم سے تمہارے کاسرِاعداء دین تم ہو

مٹایا کفر کوتم نے بجایا دین کا ڈنکا
پناہِ اہلِ دیں اور قامع کفر مہیں تم ہو

گذاری عمر ساری خدمتِ دینِ محمدﷺ میں
دل و جان سے معینِ دین ختم المرسلیں تم ہو

تمہاری دید ہم سب خادموں کی عید ہے آقا
قرارِ بیقراراں اور راحتِ قلبِ حزیں تم ہو

منور آپ سے ہے بزمِ ایمانی و ایقانی
سراجِ بزمِ عرفاں صاحبِ علم الیقیں تم ہو

نہ کیوں اہلِ زباں فخر الاماثل آپ کو مانیں
اماثلِ خاتمِ دیں اور خاتم کے نگیں تم ہو

ہوا گو ہے مخالف اور ہیں اعدائے دیں در پے
مگر کیا خوف ہو سالکؔ کو جب اسکے معیں تم ہو