آمنہ رضی اللہ عنہا،دختر قیس بن عبداللہ ،جو بنو اسد بن ابو خزیمہ سے تھیں،یہ خاتون اپنے والد کے ساتھ حبشہ میں ام حبیبہ دختر ابو سفیان اور برکہ دختر یسار کی معیت میں تھیں،اور یہ دونوں خواتین عبیداللہ بن حجش کی رضاعی والدہ تھیں،ابو موسیٰ نے ان کا ذکر کیا ہے۔

ابن اثیر لکھتے ہیں کہ آمنہ دخترِقیس اور آمنہ دختر رقیش جن کا ذکر پہلے گزر چکا ہے،دونوں ایک ہیں، اور ابو موسیٰ نے دونوں کا ذکر علیحدہ علیحدہ کیا ہے،اور یہ سمجھاہے کہ دونوں مختلف ہیں،حالانکہ دونوں ایک ہیں،کیونکہ ابواسحاق نے یونس کی روایت سے ذکر کیا،تو آمنہ دختر قیس لکھا،اور جب سلمہ سے روایت کیا،توآمنہ دختر رقیش لکھ دیا،جب کہ وہ دونوں ایک ہیں،واللہ اعلم۔