ابوامامہ بن سہل بن حنیف،ہم ان کا نسب ان کے والد کے ترجمے میں بیان کرآئے ہیں،وہ انصار ی اوسی ہیں اور ان کا نام اسعد تھا،اور حضورِ اکرم صلی اللہ علیہ وسلم نے ان کا نام ان کے نانا کے نام پر اسعد بن زرارہ رکھا او ر کنیت بھی انہی کی عطافرمائی،اور برکت کی دعا کی،جناب ابوامامہ نے ۱۰۰سوہجری میں،جب ان کی عمر نوّے برس سے کچھ زیادہ تھی،وفات پائی،ابوعمراور ابوموسیٰ نے ان کا ذکر کیا ہے،لیکن ابوعمر انہیں کبار تابعین میں شمار کرتے ہیں۔