امہ دخترِ فارسیہ،جس سے سلمان فارسی مکے یا مدینے میں ملے،ابن مندہ نے بھی کتاب اصفہان میں ان کا یہی نام لکھا ہے،ابو نعیم نے بھی ان کی پیروی کی ہے،لیکن ان سے کو ئی حدیث بیان نہیں کی۔

ابو موسٰی نے اجازۃً ابو علی سے،انہوں نے ابو نعیم سے،انہوں نے ابوبکر محمد بن یوسف المودب سے انہوں نے احمد بن حسین بن حسن انصاری سے،انہوں نے ربیع بن ابو رافع سے، انہوں نے حسن بن عرفہ سے انہوں نے مبارک بن سعید سے، انہوں نے عبیدالمکتب سے،روایت کی کہ انہوں نے سلمان فارسی سے سُنا،کہ جب وہ اوّل اوّل واردمدینہ ہوئے،تو انہوں نے ایک اصفہانی عورت کو دیکھا، جوان سے پہلے مشرف بہ اسلام ہو چکی تھیں،میں نے ان سے رسولِ اکرم صلی اللہ علیہ وسلم کے متعلق دریافت کیا،چنانچہ اس نے مجھے حضور تک رہ نمائی کی۔

اس حدیث کو عبداللہ بن عبدالقدوس نے ابو الطفیل سے، انہوں نے سلمان سے روایت کی اور اسناد کو پورا کر کے مدینے کی بجائے مکے کا نام لیا،اور ایک دوسرے طریقے سے ابو الطفیل سے روایت کی اور مدینے کا نام لیا، اور ان سے کو ئی حدیث منسوب نہیں کی، ابو موسٰی نے ان کا ذکر کیا ہے۔