شہید غزوہ احد حضرت سیدنا عامر بن مخلد بن حارث الانصاری  رضی اللہ تعالیٰ عنہ  بن حارث اوربعضوں نے کہاعامربن مخلد جنگ احد میں شہیدہوئے۔اس کو ابوموسیٰ بن عقبیٰ نے ابن شہاب سے روایت کرکے بیان کیا۔اوریہ انصار میں سے ہیں۔ان کا تذکرہ ابونعیم اور ابوموسیٰ نے لکھاہے۔ (اسد الغابۃ جلد بمبر 6-7)۔۔۔

شہید غزوہ احد حضرت سیدنا مالک بن سنان بن عبید الانصاری رضی اللہ تعالیٰ عنہ بن سنان بن عبید بن ثعلبہ بن عبید بن الابجر (اور ابجر سے مراد خدرہ بن عوف بن حارث بن خزرج انصاری خزرجی خدری ہے جو ابو سعید خدری کے والد تھے) یہ صاحب غزوۂ احد میں شہید ہوئے تھے اور انھیں عراب بن سفیان الکتانی نے قتل کیا تھا۔ جب احد میں حضور اکرم صلی اللہ علیہ وسلم کے چہرہ مبارک پر زخم آیا، تو مالک بن سنان نے حضور کے خون کو چوس کر نگل لیا، اس پر حضور نے فرمایا جو شخص ایسے آدمی کو دیکھنا چاہے جس کے خون میں میرا خون شامل ہوگیا ہے وہ مالک بن سنان کو دیکھ لے ایک موقع پر جناب مالک تین دن بھوکے رہے اور کسی سے کچھ نہ مانگا حضور نے فرمایا جو شخص ایسے آدمی کو دیکھنا چاہے جس کی پارسائی نے اسے سوال نہ کرنے دیا وہ مالک بن سنان کو دیکھے۔ ۔۔۔

شہید غزوہ احد حضرت سیدنا عمرو بن ثابت بن وقش الانصاری  رضی اللہ تعالیٰ عنہ  بن وقش بن زعبہ بن زعوراء بن عبدالاشہل انصاری اوسی اشہلی ۔سلمہ بن ثابت کے بھائی اورعباد بن بشرکے چچاکے بیٹے تھے۔عمروکالقب اسیرم بنی عبدالاشہل زیادہ مشہورہے۔یہ حذیفہ بن یمان کی بہن کے بیٹے تھے۔احد کے دن شہید ہوئے انھیں کی بابت کہاگیاہے کہ یہ ایسے جنتی ہیں جنھوں نے ایک وقت کی بھی نماز نہیں پڑھی یہ طبری کاقول ہے ہمیں ابوجعفر یعنی احمد نے اپنی سند کے ساتھ یونس بن بکیرسے انھوں نے محمد بن اسحاق سے روایت کرکےخبردی وہ کہتےتھے مجھ سے حصین بن عبدالرحمن بن عمروبن سعدبن معاذ نے ابوشقیق مولای ابن ابی احمد سے انھوں نے حضرت ابوہریرہ سے روایت کرکے خبردی کہ وہ اکثرلوگوں سے پوچھاکرتےتھے کہ بتاؤ وہ کوجنتی ہے جس نے اللہ کے لیے ایک وقت کی بھی نماز نہ پڑھی ہوجب لوگ نہ بتاسکتےتوخودہی جواب دیتے کہ وہ اصیرم بنی عبدالاشہل یعنی عمرو۔۔۔

شہید غزوہ احد حضرت سیدنا حارث بن اوس بن معاذ رضی اللہ تعالیٰ عنہ حارث رضی اللہ عنہ بن اوس بن معاذ بن نعمان بن امریٔ القیس بن زید بن عبد الاشہل ، آپ کی کنیت ‘‘ابو أوس ’’ہے۔           آ پ کی والدہ کا نام و نسب ہند بنت کماک بن امریٔ القیس بن زید بن عبد الاشہل ہے۔وہ اسید بن حضیر بن سماک کی پھوپھی تھیں۔ انہیں رسول اللہ صلی اللہ علیہ وسلم سے بیعت کرنے کی سعادت اور شرف حاصل ہے۔ حارث بن اوس، سعد بن معاذ رضی اللہ عنہ کے برادر ززادے ہیں۔ ہجرتِ مدینہ کے بعد رسول اللہ صلی اللہ علیہ وسلم نے عامر بن فہیرہ رضی اللہ عنہ مہاجر مکی اور آپ کے درمیان مواخات کرائی۔ رسولِ اکرم ﷺ نے گستاخ رسول کعب بن اشرف یہودی کے قتل کےلیے جن صحابہ کرام کو روانہ فرمایا تھا، آپ بھی ان میں شامل تھے۔ یہ لوگ جب اس ظالم و گستاخ کو کیفر کردار تک پہنچا رہے تھے، ساتھ۔۔۔

شہید غزوہ احد حضرت سیدنا اوس بن ثابت بن المنذر الانصاری  رضی اللہ تعالیٰ عنہ نام ونسب اوس بن ثابت بن منذر بن حرام بن عمرو بن زید منات بن عدی بن عمرو بن مالک بن نجار، انصاری آپ شاعر اور مداح ِ رسول سیدنا حسان بن ثابت انصاری رضی اللہ عنہ کے بھائی ہیں۔ آپ کو بیعت عقبہ میں اور بعدازاں غزوہ بدر میں شرکت کی سعادت حاصل ہے۔ ابن القداح عبداللہ بن محمد بن عمارہ انصاری کی روایت کے مطابق آپ نے غزوہ احد میں جام ِ شہادت نوش فرما کر جان جانِ آفریں کے سپرد کر دی۔ رضی اللہ عنہ وارضاہ، آمین سیدنا اوس بن ثابت ابن منذر۔ قبلہ بنی عمرو بن مالک بن نجار سے ہیں۔ انصاری ہیں نجاری ہیں جنگ احد میں شہید ہوئے۔ یہ ابن اسحاق اور عروہ بن زبیر کا قول ہے۔ ان کا تذکرہ ابن مندہ اور ابو نعیم نے لکھا ہے۔ (اسد الغابۃ جلد نمبر ۱)  ۔۔۔