شیخ ابو الفتح ثانی رحمتہ اللہ علیہ

فرزند

حضرت چوہڑ بندگی سہروردی لاہوری رحمتہ اللہ علیہ

آپ سلطان سکندر لودھی کی دختر کے بطن سے پیدا ہوئے،آپ کی اولاد کی سکونت دو پشت تک لاہور میں رہی،پھر ان کے کے پوتے بر خوردار عبد الجلیل ثانی کوٹلی پیراں چلے گئے،یہ گاؤں انہوں نے خود بسایا تھا اور لاہور شمال مشرق کی طرف واقع ہے۔

اس گاؤں میں سہروردی سلسلہ کے رہنماؤں میں سب سے پہلی قبر جو بنی وہ شیخ غلام علی بن شیخ  فخر اللہ بن شیخ ابو الفتح ثالث رحمتہ اللہ علیہ کی تھی،آپ کی اولاد لاہور اور شاہد رہ کی تحصیلوں میں آباد ہے۔

بیعت

          آپ نے اپنے والد گرامی حضرت چوہڑ بندگی رحمتہ اللہ علیہ سے بیعت کی تھی اور خرقہ خلافت انہی سے حاصل کیا۔اپنے والد کی وفات پر لاہور میں مسند نشین ہوئے اور لوگوں کو آپ سے فیضان جاری رہا، پیر فرح بخش،اذکار قلندری،میں لکھتے ہیں:

          سبحان اللہ شخصی کہ در عہد شباب و عالم صاحبزا دگی کہ نواسہ بادشاہ وقت بو دایں قدر مجاہد بود علو مرتبہ اش راتا کجا تواں نوشت مرید پدر خویش حضرت بندگی العالم شیخ چوہڑ قدس سرہ است تعظیم طریق طریقت و علم معرفت از جناب حاصل نمود بہ خرقہ  فقر و خلافت ظاہری و باطنی مشرف گشتہ۔

اولاد

          حضرت شیخ عبد الجلیل ثانی رحمتہ اللہ علیہ آپ کے فرزند تھے،انہوں نے بھی آپ سے ہی فیض حاصل فرمایا اور خلق خدا کو لاہور میں فیض و برکت سے نو ازتے رہے،حضرت ثانی صاحب سال تک مسند نشین رہے، حضرت شیخ بر خو ردار شیخ عبد الجلیل ثانی رحمتہ اللہ علیہ کے بیٹے اور سجادہ نشین تھے۔

          لاہور سے سولہ کوس شمال مشرق کی جانب قصبہ کوٹلی پیراں شیخ بر خو ردار نے ہی بسایا تھا ان کے فر زند شیخ ابو الفتح ثالث رحمتہ اللہ علیہ تھے اور ان کے فرزند شیخ فخر اللہ ،تاریخ جلیلہ،کے صفحہ ۲۳۳ کے مطابق یہ تمام حضرات درگاہ قطب العالم رحمتہ اللہ علیہ واقعہ لاہور میں مد فون ہوتے رہے، شیخ فخر اللہ نے ۱۶۹۳ء میں وفات پائی۔

          آپ کا مزار اقدس حضرت چوہڑ بندگی قطب العالم سہروردی رحمتہ اللہ علیہ کے دائیں طرف واقع ہے،اذکار قلندری،میں لکھا ہے،مزار حضرت شیخ المشائخ حضرت شیخ ابو الفتح علیہ الرحمتہ پہلو ئے راست حضرت بندگی قطب العالم است۔

(لاہور کے اولیائے سہروردیہ)