ملک مردانہ کھو کھر سہروردی رحمتہ اللہ علیہ
کافی کوشش کے باوجود آپ کی ابتدائی زندگی کے حالات دستیاب نہیں ہو سکے اور نہ یہ معلوم ہوسکا کہ آپ کب لاہور تشریف لائے اور کب واپس چلے گئے، نیز وفات کس سن میں واقع ہوئی لیکن آپ کا لاہور آکر حضرت قطب عالم رحمتہ اللہ علیہ کی خدمت اقدس میں حاضر ہوکر بیعت کرنا ثابت ہو چکا ہے۔
بیعت:
غلام دستگیر نامی نے اپنے مضمون، لاہور کے ایک اولین سہر وردی بزرگ ،جو روزنامہ امر وز چھ مئی ۱۹۵۶ء میں چھپا تھا لکھا ہے کہ آپ نے حضرت قطب عالم شیخ عبد الجلیل رحمتہ اللہ علیہ سے بیعت کی تھی اور آپ کو خرقہ خلافت ملا تھا، جب آپ کے پیر و مرشد نے لاہور میں مسجد بنو انی شروع کی تو ملک مردانہ نے اس مسجد کی تعمیر میں ایک مز دور کی حثییت سے مفت کا م کیا تھا اور نہایت جا نفشانی سے کام کرتے رہے یہاں تک کہ مسجد مکمل ہوگئی۔
حضرت قطب العالم رحمتہ اللہ علیہ کو جب معلوم ہوا کہ ایک آدمی تعمیر مسجد کا کام بہت محنت سے اور کاوش سے سر انجام دے رہا ہے لیکن اجرت نہیں لیتا اکثر روزہ سے رہتا ہے تو آپ نے اس کو بلایا اور پو چھا کہ تمہا را کیا نام ہے،اس نے عرض کی مردانہ،آنجناب نے فرمایا اللہ تعالیٰ تجھے دین دنیا میں مر دانہ بنائے گا اور فلاں جگہ جاکر بلندی پر اپنے نام سے ایک گاؤں آباد کرو وہیں رہائش اختیار کرو تجھے لا زوال نعمتیں میسر ہوں گی۔ ملک مردانہ رحمتہ اللہ علیہ نے آپ کی بات کو دل میں جگہ دی اور وہاں پہنچ کر گاؤں آباد کرکے وہاں اقامت اختیار کی بعد وفات وہاں ہی پائی اور وہیں مزار بنا۔
آپ اپنے پیرو مرشد حضرت قطب عالم رحمتہ اللہ علیہ کے ساتھ تبلیغ اسلام کے لیئے مضا فات لاہور اور باہر بھی جاتے رہے، پیر فرخ بخش فرحت المتوفی ۱۸۴۰ء اپنی کتاب،اذکار قلند ری،میں تحریر فرماتے ہیں۔
ملک مردانہ کھوکھر در جنا ب پیرو مرشد خویش حضرت بند گی کثیر الا عتقا د بودہ اکثر در خدمت آنجناب حاضر سفر ۂ سفر میما نہ فقر ے بود کامل قریہ در موضع مردانہ کہ باسم آں بزر گو ار است مشہو راست۔
جب حضرت قطب عالم رحمتہ اللہ علیہ سا نگلہ کی طرف تبلیغ اسلام کےلیئے تشریف لے گئے تھے تو آپ بھی آنجناب کے ساتھ تھے، مزار موضع مردانہ میں واقع ہے،یہ گاؤں مہتہ سوجا سٹیشن جو بدو ملی سے لاہور کی جانب ہے کے نواح میں واقع ہے،آپ کا مزار ایک اونچی گھا ٹی پر واقع ہے، آپ کے مزار کے پاس حضرت مراد شاہ سہر وردی جو پنجاب میں اردو کے اولین شاعر تسلیم کیئے جاتے ہیں کا بھی مزار ہے نزدیک ہی ایک مسجد ہے۔
(لاہور کے اولیائے سہروردیہ)