حضرت مولانا حبیب اللہ نعمانی رحمۃ اللہ تعالیٰ علیہ
پنجابی زبان مشہور شاعر مفسر مولانا محمد حبیب اللہ بن نظام دین کمبو ۱۲۸۸ھ/۱۸۷۱ء میں ضلع امر تسر گائوں کمبو میں پیدا ہوئے اور وہیں پر ورش پائی، سکول میں مڈل تک اردو فاسی اور ابگریزی کی تعلیم حاصل کی ۔ اس کے بعد مخلتف اساتزہ سے فارسی ، صرف اور نحو کی کتابیں پڑھیں ، ترجمۂ قرآن مجید،تفسیر اور طب پڑھی ، پولیس میں بھرتی ہوگئے، اٹھارہ سال تک کا نسٹیبل ، ہیڈ کا نسٹبل،ہیڈ محر رادر تھا نیدار کی حیثیت میں کام کرتے رہے ، محکمہ پولیس کو چھوڑ کر مختار عام کا کام کرتے رہے پھر امر تسر میںدکان کھول لی اور قیام پاکستان کے بعد چک ۸۶/۵۔ آرہارون آباد میں سکونت پذیر ہوگئے[1]
مولانا محمد حبیب اللہ نعمانی پنجابی کے قادر الکلام شاعر اور کثیر التصانیف مصنف تھے ، رسالۂ تقلیس میں انہوں نے بعض ایسی باتیں لکھ دی تھیں جو نا واقفی پر مبنی اور حقائق کے خلاف تھیں ، اس لئے مولانا بنی بخش حلوائی نے تفسیر نبوی اور بعض دیگر رسائل میں ان پر سخت گرفت فرمائی ،مولانا نعمانی سلیم الطبع اور حق پرست شخصیت تھے لہذا بروایت مولانا اللہ دتا مدظلہ ٗ(راقم کے والد گرامی )انہوں نے غلط باتوں سے رجوع کرلیا۔
برادر محترم ولانا محمد عبد الغفار ظفر الصابری (لائپوری) کے نام مولانا کے بعض مکاتیب جو انہوں نے وصال سے کچھ عرصہ پہلے( ۵۳، ۱۹۵۰ئ) میں لکھے تھے اور مولانا کے اپنے ہاتھ سے متسلب سنی تھے ، مولائے کریم نے توفیق عطا فرمائی تو ان پر کسی وقت الگ مقالہ لکھا جائے گا انشاء المولیٰ الکریم۔
مولانا کی تصانیف کے نام یہ ہیں (مطبوعہ)
۱۔ حبیب التفاسیر المعروف بہ تفسیر نعمانی (تقریباً ۲۲ سیار ے)
۲۔ گلزار موسیٰ
۳۔ گلزار عیسٰی
۴۔ گلزار آرام
۵۔ گلزار یوسف (احسن القصص المحسنین
۶۔ مجموعۂ خطبات
۷۔ مجموعہ خطب اسلامیہ
۸۔ تفسری سورئہ والضحیٰ
۹۔ اکرام المصطفیٰ
۱۰ ۔تفسیر سورئہ یٰسین
۱۱ ۔ جنگ حبیب
۱۲۔ تفسیر ہفت سورہ
۱۳۔ حالات حضرت نوشہ
۱۴ توضیح مرام ( نثر)
۱۵۔ قصۂ جابر
۱۶۔ رسالۂ تقلید
۱۷۔ باغ بہشت المعروف بہ پنج گنج۔
غیر مطبوعہ تصانیف :
۱۸۔ اخبار الغیب ، ترجمہ و شرح قصیدہ حضرت نعمت شاہ ولی رحمہ اللہ تعالیٰ۔
۱۹۔ تفسیر سورئہ فاتحہ ، وغیرہ وغیرہ ۔
۱۶ رجب ، ۲۲ مارچ( ۱۳۷۳ھ/۱۹۵۴ء( بروز سوموار صبح آٹھ بجے آپ کا وصال ہوا[2]
حکیم محمد صادق چک ۸۶/۵۔ آر ہارون آباد آپ کے فرزند ہیں اور مطب کرتے ہیں۔
[1] انسائیکلو پیڈیا مطبوعہ فیروز سنز لاہور۔
[2] مکتوب جناب حکیم محمد صادق بنام براد م مولانا محمد عبد الغفار ظفر الصابری ، لائل پور
(تذکرہ اکابرِاہلسنت)