حضرت مولانا شاہ محمد معین الدین آروی رحمۃ اللہ تعالیٰ علیہ
زبد ۃ الاصفیاء حضرت مولانا شاہ محمد مصلح الدین قادری رحمۃ اللہ علیہ کے صاحبزادے محمد معین الدین احمد نام، معین تخلص، عاشق رسول لقب، ۱۳۰۵ھ میں آرہ میں پیدا ہوئے، تربیت آرہ میں پائی، ابتدائی تعلیم، فارسی، عربی اور خوش نویسی اپنے خاندانی بزرگوں ۔۔۔۔
حضرت مولانا شاہ محمد معین الدین آروی رحمۃ اللہ تعالیٰ علیہ
زبد ۃ الاصفیاء حضرت مولانا شاہ محمد مصلح الدین قادری رحمۃ اللہ علیہ کے صاحبزادے محمد معین الدین احمد نام، معین تخلص، عاشق رسول لقب، ۱۳۰۵ھ میں آرہ میں پیدا ہوئے، تربیت آرہ میں پائی، ابتدائی تعلیم، فارسی، عربی اور خوش نویسی اپنے خاندانی بزرگوں سے حاصل کی، عربی درس نظامی کی تکمیل مولوی حکیم عبد الوہاب آردی، مولوی ماجد علی جونپوری، مولانا مفتی رحیم بخش آروی سےکی، دستار بندی اور سند فراغ اعلیٰ حضرت مولانا احمد رضا خاں بریلوی نےمدرسہ فیض الغرباء آرہ کے جلسۂ عام میں دی، بعد فراغ دہلی جاکر طب پڑھی اور بند تکمیل شفاء الملک حکیم رضی الدینخاں مرحوم سےحاصل کی، تحصیل علوم ظاہری کے بعد والد ماجد قدس سرہٗ سے سلسلہ قادریہ مجددیہ آبادانیہ میں بیعت کی اور تکمیل سلوک کے۳۰سال بعد سلاسل قادریہ نقشبندیہ، چشتیہ کی اجازت سے مشرف ہوئے، رشد وہدایت، تبلیغ میں بقیہ عمر صرف کی قادریہ نقشبندیہ، چشتیہ کی اجازت سے مشرف ہوئے رشد وہدایت، تبلیغ میں بقیہ عمر صرف کی شیریں زبان، سحر البیان واعظ، خوش نوالغمت گوشاعر، صاحب عرفان و طریقت ہوئے ہیں، ۱۱؍جمادی الاولیٰ ۱۳۳۸ھ میں بروز شنبہ تین ماہ دس دن بیمار رہ کر رحلت کی، آرہ محلہ بھلوئی پورہ دہ میں مزار ہے، ۱۱ جمادی الاولیٰ کو خانقاہ قصبہ رائن ضلع مونگیری میں عرس ہوتا ہے، تصنیفات میں میلاد تحفۃ الرسول، رسالہ اذان درتائید فاضل بریلوی ہیں، تذکرۃ السعدین مؤلفہ حضرت مولوی شاہ محمد جعفر علی فریدی قدس سرہٗ یں تفصیلی ذکر خیر ہے، حضرت مولانا مفتی شاہ محمد ابراہیم فریدی سمتی پوری شیخ الحدیث و مفتی بد ایوں نے زیل کا قطعۂ تاریخ کہا
قطب دیں شاہِ معین الدین نام
شیخ دوراں عابد مرد خدا
باخدا پیوست، خو درا واگذاشت
قصر ج نت بہر اوشد متکاء
گفت ابراہیم سال رحلتش
وارث دین رسول دوسرا