حضرت شیخ مصطفیٰ رفیقی رحمۃ اللہ تعالیٰ علیہ

شیخ مصطفیٰ بن طیب بن احمد بن مصطفیٰ رفیقی: ابو احمد کنیت تھی، ۱۲۲۶ھ میں پیدا ہوئے۔عالم عامل،فاضل کامل،فقیہ محدث،حسن المحاضرہ،بلیغ العبارہ، حاضر البدیہ،شاعر موزون،مؤرخ جید تھے،صحاح ستہ اور کتبِ تصوف مثل عوارف و تعرف اور احیاء العلوم کو اپنے باپ سے پڑھا اور نسخ کیا اور دیگر علوم عقلیہ و نقلیہ کو اپنے زمانہ کے فضلاء اور حفاظ سے حاصل کیا،ہمیشہ طاعات و عبادات میں مشغول رہتے تھے،آپ سے شیخ بہاء الدین وشیخ احمد وشیخ احسن اور شیخ عبد الشکور رفیقی وغیرہ نے اخذ کیا اور جمعہ کے روز ۱۴ربیع الاول ۱۲۹۴ھ میں وفات پائی۔ تاریخ وفات آپ کی ’’ادخلہ اللہ الجنۃ بلاحساب‘‘ سے نکلتی ہے۔

(حدائق الحنفیہ)