شیخ شہاب الدین نہرا سہر وردی لاہور ی رحمتہ اللہ علیہ
آپ حضرت موج دریا بخاری رحمتہ اللہ علیہ کے فرزند تھے والدہ کا نام بی بی نورنگ تھا،آپ اپنی والدہ کے پاس ہی رہے جو کہ بٹالہ میں رہائش پذیر تھی، ولادت ۹۶۵ھ بمطابق ۱۵۵۷ء بعہد نصیر الدین ہمایوں ہوئی چونکہ آپ کی والدہ بٹالہ ضلع گو رد اسپور میں رہتی تھیں اس لیئے آپ کے والد نے وہاں بھی حویلیاں تعمیر کرا دیں اور حضرت کبھی بٹالہ میں کبھی لاہور میں اقامت گزین ہونے لگے،آپ اور ان کی اولاد بٹالہ ہی میں رہی۔
عبادت وریاضت بہت کرتے تھے، اپنے وقت کے قطب تھے،ساری عمر خلقت کی ہدایت میں مصروف رہے، آپ شیخ کا مل تھے، آپ کے والد گرامی نے اپنی زندگی میں ہی علاقہ بٹالہ اور نواح کی مضافات کا انتظام وا نصر ام آپ کے حوالہ کردیا تھا جس وجہ سے آپ وہاں ہی رہائش رکھتے تھے، آپ بہت خوبصورت اور رعب دار شخصیت کے مالک تھے،عوام الناس پر آ پ کا دبد بہ بہت زیادہ تھا یہی وجہ تھی کہ کوئی بھی آپ علوم ظاہری و باطنی پر سیر حاصل بحث یا گفتگو نہیں کرسکتا تھا، آپ کےوالدکی وفات قصبہ خان فتا میں ہوئی جو پٹالہ سے تین کوس کے فاصلے پر ہے، وہاں ہی غسل دیا گیا جس جگہ غسل وغیرہ دیا گیا وہاں قبر بنی ہوئی ہے،بعد ازاں لاش شہاب الدین نہرا کے دوسرے سو تیلے بھائی سید صفی الدین لاہوے لے آئے اور موجود جگہ پر دفن کیا گیا جو کہ ایڈ ورڈ روڈ بالمقابل دفتر اکاونٹنٹ جنر ل مغربی پاکستان پر واقع ہے۔
آپ کی وفات بھی بٹالہ میں ہوئی تو آپ کے صاحبز ادے مصطفی ٰ شاہ آپ کی لاش کو لاہور لے آئے تاکہ آپ کو آپ کے والد ماجد کے مقبرہ میں دفن کیا جائے مگر آ پ کو بعد ازاں بھو گیوال میں ہی دفن کردیا گیا،مصنف ،تحقیقات چشتی ،کے وقت میں سید اصغر علی آپ کی اولاد میں سے لاہور میں مقیم تھے۔
وفات
۱۰۴۱ھ مطابق ۱۶۳۱ء میں ہوئی جوکہ شاہجہاں کا عہد تھا، مزار اقدس بھو گیوال نزد باغبا نپور میں ایک قبرستان میں واقع ہے،آپ کا مزار پر انوار اونچے چبو ترے پر واقع ہے اور آج بھی مرجع خلائق ہے،آپ نےا پنے متو سلین کو حکم دیا تھا کہ ان کا مزار پختہ نہ بنایا جائے چنانچہ اس پر عمل کیا گیا، آپ کے مزار کے پاس ہی نواب میاں خان کی حویلی پتھر انوالی حویلی مشہور ہے کا باغ ہے جو قبرستان سے نشیب میں واقع ہے او ر وہاں بارہ دری بھی موجود ہے۔
آپ کے مزار اقدس دوسری دو قبور میں سے مشرق رویہ سید بہاؤ الدین برادر خو رد اور غرب رویہ مصطفیٰ شاہ صاحبزادہ کی ہیں، دوسری میں سجادہ نشینا ن سید جہا نگیر اور نبی شاہ کی ہیں جنوب رویہ قبرستان میں سید جلال الدین حید ری کے خاندان کی قبور ہیں۔
(لاہور کے اولیائے سہروردیہ)