حسینی میاں اشرفی ناگپوری ، سید السادات علامہ مولانا سید

حضرت  علامہ مولانا سید حسینی میاں اشرفی ناگپوری علیہ الرحمۃ مسلکِ اعلیٰ حضرت کے ایک بےباک داعی اور نڈر مجاہد تھے ، آپ پوری زندگی اِحقاقِ حق اور ابطال باطل کا ایک ناقابل فراموش کارنامہ انجام دیتے رہے ، آپ کی ذات مسلمانانِ ناگپور کے لیے ایک بڑا سہارا تھی ہر فتنہ و فساد کے موقع پر سد سکندری بن کر سنیوں کو محفوظ و مامون رکھتی تھی ، آپ نے اپنے مضبوط اور بےباک قلم کے ذریعہ ہمیشہ مخالفین کی گستاخیوں کا جواب دیا اور ہر موقع پر ان کا رد بلیغ فرمایا ، آج ان کی رحلت پر پوری دنیائے سنیت سوگوار ہے جامعہ امجدیہ رضویہ کے تمام اساتذہ و اراکین آپ کے اہل خانہ سمیت جملہ لواحقین و متوسلین کی خدمت میں تعزیت مسنونہ پیش کرتے ہیں اور دعا کرتے ہیں کہ رب تعالیٰ سید صاحب قبلہ  کی کامل مغفرت فرمائے ، ان کی تمام تر دینی خدمات کو قبول فرما کر درجات بلند فرمائے، آمین

وصال پر ملال:

28 جمادی الاخری 1446ھ / 29 دسمبر 2024ء بروز اتوار یہ المناک خبر موصول ہوئی کہ اہل سنت کی عظیم علمی و روحانی شخصیت ، پاسبانِ مسلک اعلیٰ حضرت ، فکرِ اسلاف کے امین ، سید السادات حضرت علامہ مولانا سید حسینی میاں اشرفی ناگپوری سجادہ نشین آستانہ عالیہ رائچور بقضائے الٰہی دار فنا سے دار بقا کی جانب رحلت کر گئے ، انا للہ وانا الیہ ر'جعون

ایک سورج تھا کہ تاروں کے گھرانے سے اٹھا

آنکھ  حیران  ہے  کیا  شخص  زمانے  سے  اٹھا