جمیلہ بروایتے خولہ یا خویلہ،اوس بن صامت کی بیوی تھیں،ابو احمد عبدالوہاب بن علی نے باسنادہ ابو داؤد سے، انہوں نے ہارون بن عبداللہ سے ،انہوں نے محمد بن فضل سے،انہوں نے حماد بن سلیمہ سے ، انہوں نے ہشام بن عروہ سے،انہوں نے اپنے والد سے ،انہوں نے جناب عائشہ رضی اللہ تعالیٰ عنہا سے روایت کی،کہ اوس بن صامت میں خفیف سا جنون کا عارضہ تھا،جب مرض میں شدت پید اہوئی،تو اوس نے بیوی سے ظہار کرلیا،چنانچہ اسکے بارے میں ادائے کفارہ کی آیت نازل ہوئی،ابن مندہ اور ابو نعیم نے ذکر کیا ہے۔