مولوی علی محمد جماعتی رحمۃ اللہ تعالیٰ علیہ

حضرت مولانا علی محمد ابن مولوی احمد الدین ، موضع فتو والا ضلع فیروز پور (بھارت) میں تقریباً ۱۳۰۸ھ میں پیدا ہوئے ۔ آباء واجداد نہایت نیک سیرت تھے۔ آپ نے قرآن کریم اپنے والد ماجد سے پڑھا اور جب حضرت مولانا محمد حسین ساکن انگہ شریف ضلع سرگودھا (تلمیذ رشید امام اہلسنت مولانا شاہ احمد رضا خاں قدس سرہٗ) بریلی شریف میں تدریسی خدمات انجام دیتے ہوئے فرعوز پور پلٹن میں تشریف لائے تو درس نظامی کی تحصیل کے لئے ان کی خدمت میں حاضر ہو گئے ۔ معمول یہ تھا کہ مغرب کی نماز پلٹن میں ادا کرتے اور رات کے بارے بجے اسباق سے فارغ ہو کر واپس آتے نیز روزانہ گائے کا دودھ استاد کی خدمت میں پیش کرتے ۔ مولانا محمد حسین آپ پر نہایت مہربان تھے ۔ مولانا علی محمد کو بھی ان سے حدودرجہ عقیدت تھی ،وہ نہصرف ایک بلند پایہ فاضل تھے بلکہ ولی کامل بھی تھے ، دوران تدریس ہاتھ ہلا ہلا کر فرمایا کرتے کہ ’’مولوی علی محمد ! ہوش کرو ، فتنے آئے ، فتنے آئے‘‘ مولانا فرمایا کرتے کہ ہم نے آپ کیاس ارشاد کی تصدیق ہوتے اپنی آنکھوں سیدیکھی ۔ اسی زمانہ میں مناظر اسلام مولانا محمد عمر اچھروی رحمہ اللہ تعالیٰ بھی آپ کیہاں قیام پزیر رہے اور مولانا محمد حسین قدس سرہ سے اسباق پڑھ کر واپس آجاتے اور آپ سے بھی استفادہ کرتے ۔

مولانا علی محمد قدس سرہ فتو والا سے فرائض امامت و خطابت کے لئے فیروز شیڈ میں آگئے اور سلسلۂ تعلیم جاری رکھا۔نصف بخاری شریف پڑھی تھی کہ استاد مکرم کا وصال ہو گیا چنانچہ آپ ہمہ تن خدمت دین میں مصروف ہو گئے ، علم دین کا شغف دیکھئے کہ آپ علوم دینیہ کی تحصیل میں تقریباً تیس سال تک منہمک رہے ۔ فیروز پور شیڈ میں ۱۹۴۶ء سے ۱۹۴۷ء تک معروف شیخ طریقت حضرت سید محمد اسمٰعیل شاہ قدس سرہ العزیز (کرمانوالہ ) آ کی اقتداء میں نماز جمہ ادا فرماتے رہے،شاہ صاحب آپ کو ولی کامل سمجھتے تھے اور اس کا اظہار اپنے مریدین میں بھی کیا کرتے ۔

آپ سلسلۂ عالیہ نقشبندیہ مین حضرت پیر جماعت لعی شاہ محدث علی پوری قدس سرہ کے دست اقدس پر بیعت تھے ، پیرو مرشد کی آپ پر نظر عنایت کا اندازہ اس بات سے لگایا جا سکتا ہے کہ جب آپ حاجر خدمت ہوتے تو وہ آپ کو ا پنے ساتھ بٹھا کر کھانا کھلاتے۔

تقسیم ملک کے بعد آپ لائل پور شیڈ میں آگئے اور یہاں ایک شاندار مسجد تعمیر کرائی۔ حضرت محدث اعظم لائپوری قدس سرہ نے جب دار العلوم کی ترقی میں پوری دلچسپی لیتے رہے ۔

لائل پور سے آپ کوٹ ال گڑھ قصور تشریف لے آئے اور یہاں مسجد چھتی گلی میں فرائض امامت انجام دینا شروع کردیانیز کوٹ حلیم خاں کی جامع مسجد میں جمعہ کا خطبہ دیتے رہے ۔ مسجد چھتی گلی مین بھی آپ نے سلسلہ تدریس جاری رکھا اور مسلسل سال تک فارسی ، صرف و نھو اور تفسیر کا درس دیتے رہے ۔ کتب بینی آپ کا محبوب ترین مشغلہ تھا ،آپ نے کئی مرتبہ بخاری شریف پڑھی اور فرمایا کرتے تھے کہ میں نے آج تک جس مقصد کیلئے اسے پرھا ہے ۔ بحمدہ تعالیٰ ہمیشہ کامیاب رہا ہوں ۔ دینی معاملات میں آپ کسی بڑے سے بڑے آدمی کی رعایتنہ کرتے اور ڈنکے کی چوٹ صحیح مسئلہ بیان کرتے ، فرقۂ وہابیہ کے تو آپ جانی دشمن تھے اور مسائل متنازعہ کے حل کے لئے دلائل کے انبار لگادیا رکرتے تھے۔

قصور میں آپ سے جن تلامذہ نے استفادہ کیا ان میں صوفی سردار احمد (امام و خطیب کوٹ حلیم خاں ) ، مولوی برکت اللہ (مان ) ، شاہ محمد چشتی خوشویس اورحافظ عبد الحق قابل ذکر ہیں ۔ آپ کے ہاں تین صاحبزادے ہوئے جو صغر سنی ہی میں انتقال کر گئے ۔

۲۶ ربیع الثانی ،۷ جولائی (۱۳۸۹ھ؍۱۹۶۹ئ) بروز ہفتہ صبح ساڑھے آٹھ بجے آپ کا وصال ہو ااور کوٹ ال گڑھ کے بڑے قبرستان کی جنازگاہ میں آپ کی آخری آرام گاہ بنی ۔

آپ کے نواسے حافظ عبد الحق زید مجدہ اور بد الخالق آپ کا سالانہ عرس باقاعد گی سے کراتے ہیں

(تذکرہ اکابرِاہلسنت)