ام العلاء حرام بن یم کی پھوپھی،ان سے عبدالملک بن عمیر نے روایت کی کہ حضورِ اکرم صلی اللہ علیہ وسلم ام العلاء کی عیادت کو تشریف لائے ،فرمایا،اے ام العلاء تجھے مبارک ہو کہ بیماری سے مسلمان کے گناہ ایسے دھل جاتے ہیں جس طرح آگ میں لوہے کا زنگ اتر جاتا ہے۔ اور اس حدیث کو حزم بن حکیم نے اپنی پھوپھی سے روایت کیا ، ابن مندہ اور ابونعیم نے ان کا ذکر کیا ہے اور ابوعمر کا قول ہم ام العلاء انصاریہ کے ترجمے میں ابن سکن سے بیان کرچکے ہیں،ابوعمر نے بھی ان کا ذکر کیا ہے،لیکن ان پر علیحدہ ترجمہ نہیں لکھا،واللہ اعلم۔ ۔۔۔

ام عبدالرحمٰن بن طارق بن علقمہ،یحییٰ بن محمود نے اجازۃً باسنادہ ابن ابی عاصم سے،انہوں نے حسن بن علی سے،انہوں نے ابوعاصم سے،انہوں نے ابن جریج سے،انہوں نے،عبیداللہ بن ابی یزید سے،انہوں نے عبدالرحمٰن بن طارق سے،انہوں نے اپنی والد سے روایت کی،کہ حضورِ اکرم صلی اللہ علیہ وسلم داریعلی کے ایک مکان میں تشریف لاتے اور کعبے کی طرف منہ کر کے دعاکرتے پھر آپ کے ساتھ ہم باہر نکلتیں،آپ دعا فرماتے،ہم اسلام قبول کرچکی تھیں،ابنِ مندہ ابونعیم نے ان کا ذکر کیا ہے۔ ۔۔۔

رمیثہ دختر حکیم،لیث بن سعد نے یزید بن ابوحبیب سے ان کی ایک حدیث روایت کی،جو اس خاتون نے حضورِ اکرم صلی اللہ علیہ وآلہٖ وسلم سے روایت کی،لیکن ان کی وہ حدیث مرسل ہے،کیونکہ یہ خاتون تابعیہ ہیں اور بقولِ ابو موسیٰ انہوں نے حضرت عائشہ سے روایت کی ہے۔ ۔۔۔

ام عمربن خلدہ انصاریہ،یحییٰ نے اذناً باسنادہ قاضی ابو بکر احمد بن عمرو سے،انہوں نے ابوبکر بن شیبہ سے انہوں نے وکیع سے،انہوں نے موسیٰ بن عبیدہ سے،انہوں نے منذر بن جہم سے،انہوں نے ابوبکر بن شیبہ سے،انہوں نے اپنی والدہ سے روایت کی کہ رسولِ اکرم صلی اللہ علیہ وسلم نے حضرت علی رضی اللہ عنہ کو منیٰ میں اس امر کی منادی کرنے کو روانہ فرمایا،کہ آج کھانے پینے اور عورتوں سے میل ملاپ کا دین ہے،ابن مندہ اور ابونعیم نے ان کا ذکر کیا ہے۔ ۔۔۔

ام عبداللہ از بنو زہرہ،ابو موسیٰ نے ان کا ذکر کیا ہے،اور لکھا ہےکہ جعفر نے انہیں صحابیات میں شمارکیا ہے،لیکن کوئی روایت بیان نہیں کی۔ ۔۔۔