نعمی دختر جعفر بن ابوطالب،عبدالملک بن جریح نے جو حدیث عطاء سے ،انہوں نے اسماء دختر عمیس سے روایت کی ہے،اس میں اس خاتون کا ذکر آتاہے،ایک دن رسولِ اکرم صلی اللہ علیہ وآلہٖ وسلم نے نعمی دختر جعفر سے دریافت کیا ،کیا وجہ ہے کہ جعفر کے با ل بچے دبلے پتلے ہیں،کیا انہیں کوئی تکلیف ہے،انہوں نے کہا،نہیں یا رسول اللہ بیماری کوئی نہیں لیکن انہیں نظر جلدی لگتی ہے،کیا میں ان پر منتر پڑھ دیاکروں،انہوں نے منتر پڑھ کر سنایا،اور آپ نے اجازت دے دی،ابنِ مندہ اور ابونعیم نے ان کا ذکر کیا ہے،ابنِ اثیر کہتے ہیں کہ مجھے اس منتر کاجو ان کی والدہ اسماء پڑھا کرتی تھیں علم ہے،لیکن اولاد جعفر میں نعمی کو میں نہیں جانتا۔ ۔۔۔

نبعہ حبشیہ ،جو ام ہانی کی لونڈی تھیں،عبدالغنی اور ابن ماکولا نے ان کا ذکر کیا ہے،کلبی نے ابو صالح سے، انہوں نے ام ہانی سے حضورِ اکرم کے اسریٰ کے بارے میں روایت کی کہ جس رات آپ کو یہ واقعہ پیش آیا حضورِ اکرم ان کے گھر سوئے ہوئے تھے،آپ عشاء کی نماز پڑھ کر سوگئے تھے اور ہم بھی سو گئے تھے قبل از صبح ہم نے آپ کو بیدار کیا ،آپ نے نماز ادا کی اور ہم نے بھی نماز ادا کی،پھر مجھ سے فرمایا،ام ہانی،رات کو میں نے نمازعشاء پڑھی،پھر میں بیت المقدس گیا،اور وہاں نماز اداکی، اور پھرصبح کی نماز تمہارے ساتھ پڑھی،پھر آپ باہر جانے کو اُٹھے تو میں نے آپ کی چادر مبارک کا ایک کونہ پکڑا،تو آپ کے شکم مبارک سے کپڑا ہٹ گیا،تو ایسا دکھائی دیا،کہ کتانِ قبطی کا تھا ن ہے، میں نے گزارش کی،اے رسول ِخدا!آپ لوگوں سے یہ بات نہ کہیئے گا،ورنہ وہ آپ کو تکلیف دیں گے،اور آپ کی تکذیب کریں گے،آپ ۔۔۔

خولہ دختر ثامر انصاریہ،یحییٰ نے اجازۃً باسنادہ ابن ابی عاصم سے،انہوں نے یعقوب بن حمید سے،انہوں نے عبداللہ بن یزید سے،انہوں نے سعید بن ابو ایوب سے،انہوں نے ابوالاسود سے،انہوں نے نعمان بن ابو عیاش زرقی سے ، انہوں نے خولہ انصاریہ سے روایت کی کہ میں نے حضورِاکرم صلی اللہ علیہ وآلہٖ وسلم کو فرماتے سنا،دنیا ایک دِل فریب سبزہ زار ہے،اور یقیناً کئی لوگ قیامت کے دن اس لئے آگ میں ڈالے جائیں گے کہ انہوں نے بغیر حق اللہ کی حدود میں دست اندازی کی تھی،تینوں نے ذکرکیا ہے،بقولِ ابو عمریہ خاتون قیس بن فہد کی بیٹی تھیں اور ثامر قیس کا لقب تھا۔ ۔۔۔

خولہ دختر صامت،ابو اسحاق سبیعی نےیزید بن زید سے انہوں نے خولہ دختر صامت سے ظہار کا قِصّہ سنا،جسے خولہ دختر ثعلبہ کے ترجمے میں بیان کر آئے ہیں،ابن مندہ نے ان کا ذکر کیا ہے۔ ۔۔۔

خولہ دختر ثعلبہ،ایک روایت میں خویلہ ہے اسی طرح ایک روایت میں خولہ دختر حکیم مذکور ہے،ایک اور روایت میں خولہ دختر مالک بن ثعلبہ بن احرم بن فہر بن ثعلبہ بن غنم بن عوف ہے،یوسف بن عبداللہ بن سلام سے خولہ اور خویلہ دونوں مروی ہیں،ابو یاسر نے باسنادہ عبداللہ بن احمد سے، انہوں نے اپنے والد سے،انہوں نے سعد اور یعقوب پسران ابراہیم سے،انہوں نے میرے والد سے،انہوں نے محمد بن اسحاق سے ،انہوں نے معمربن عبداللہ سے، انہوں نے حنظلہ سے،انہوں نے یوسف بن عبداللہ بن سلام سے روایت کی کہ انہیں خولہ زوجہ اوس بن صامت نے بتایا،کہ خدا نے میرے اور اوس بن صامت کے جھگڑے کے متعلق قرآن کی سورت مجادلہ نازل فرمائی۔ جناب خولہ کی روایت ہے،کہ میں اوس بن صامت کی بیوی تھی،وہ بہت بوڑھا ہونے کی وجہ سےبد اخلاق اور بدخُو ہوگیا تھا،ایک دن اُس نے مجھ سے کچھ کہا،جب میں نے جواب دیا،تو وہ بھڑک اٹھا اور کہا کہ۔۔۔