لبابہ دختر حارث بن حزن بن بجیربن ہُزَم بن دویبہ بن عبداللہ بن ہلال بن عامر بن صعصعہ ہلالیہ ان کی کنیت ام الفضل تھی اور عباس بن عبدالمطلب کی زوجہ تھیں،انہوں نے چھ بیٹے جنے،فضل، عبداللہ،معبد،عبیداللہ،قثم اورعبدالرحمٰن ،یہ خاتون لبابتہ الکبریٰ کہلاتی تھیں،اور ام المومنین میمونہ کی بہن تھیں اور خالد بن ولید کی خالہ تھیں،براویتے خدیجتہ اکبریٰ کے بعد یہ دوسری خاتون تھیں،جو ایمان لائیں حضورِاکرم ان کے یہاں تشریف لاتے،اور دن کو قیلولہ فرماتے،یہ نجیب خواتین میں شمار ہوتی ہیں،جنہوں نے چھ بیٹوں کو جنم دیا،اس عہد میں یہ شرف صرف انہیں کو حاصل ہوا،عبداللہ بن یزید ہلالی کہتاہے۔ (۱)مَاوَلَدَت نَجِیبَۃٌمِن فَحلٍ کِشَۃٍمِن بَطنِ اُمّ الفضلٖ (ترجمہ)کسی نجیب عورت نے ایک جوانمرد سے،اس طرح چھ لڑکے نہیں جنے،جس طرح کہ ام الفضل کے بطن سے چھ بیٹے تولد ہوئے۔ (۲)اَکرِم بِھَا مِن کَھ۔۔۔

طریہ،حسان بن ثابت کی کنیز تھیں،عبداللہ بن عباس نے ان کا ذکر کیا ہے،ابن وہب نے ابوبکر بن ابواویس سے،انہوں نے اپنے والد سے،انہوں نے حسین بن عبداللہ سے،انہوں نے عکرم سے، انہوں نے ابن عباس سے روایت کی کہ حسان بن ثابت نے اپنی گانے والی لونڈی کا گانے کا حکم دیا، اس وقت ان کے پاس کچھ آدمی تھے،اور اس کے مکان میں جو اونچی جگہ واقع تھی،وہ دالان تھے، حضورِ اکرم کا وہاں سے گزر ہوا،مگر آپ نے ان کے اس مشغلے کوئی دخل نہ دیا،ابن مندہ اور ابونعیم نے ذکر کیا ہے۔ ابونعیم لکھتے ہیں کہ ابن مندہ نے ان کا ذکر کیاہے،اور ابن اویس کی یہ حدیث بیان کی ہے،اور ابونعیم نے یونس بن محمد بن ابو اویس سے،انہوں نے حسین سے،انہوں نے عکرمہ سے،انہوں نے ابنِ عباس سےروایت کی،کہ حضورِاکرم حسان کے پاس سے گزرے،ان کے پاس دودالانوں میں کچھ آدمی تھے،اور لونڈیا تھی،جس کانام سیرین تھا،اور وہ دالانوں میں آتی ج۔۔۔

تویلہ دخترِ اسلم انصاریہ،انہوں نے حضورِ اکرم صلی اللہ علیہ وآلہٖ وسلم سے بیعت کی،یحییٰ نے اجازۃً باسنادہ تاقاضی ابوبکر احمد بن عمرو،محمد بن اسماعیل سے، انہوں نے ابراہیم بن حمزہ سے،انہوں نے ابراہیم بن جعف بن محمود بن حارثی سے ،انہوں نے اپنے والد سے،انہوں نے اپنی دادی تویلہ سے روایت کی،کہ ایک موقعہ پر حضور بنو حارثہ میں نماز ادا کررہے تھے کہ عباد بن بشر نے ہمیں بتایا،کہ تحویل قبلہ کا حکم آگیا ہے،اور آپ نے بیت المقدس سے کعبے کی طرف منہ پھیر لیا،مردوں کی جگہ عورتیں آگئیں اور عورتوں کی جگہ مردوں نے لے لی،چونکہ یہ حکم دورانِ نماز میں نازل ہو ا تھا،اس لئے باقی دو سجدے کعبے کی طرف ادا کئے گئے۔ ایک روایت میں ان کا نام، بدیلہ اور ایک میں نویلہ (بنون) مذکور ہے،بعد میں پھر ان کا ذکر کیا جائے گا،دونوں نے ان کاذکر کیا ہے۔ ۔۔۔

اختِ نعمان بن بشیر،محمد بن اسحاق نے سعید بن مینا سےروایت کی ،کہ بشیر کی بیٹی کو اس کی ماں عمرہ دختر رواحہ نے بلایا اور کھجوروں کی ایک لپ کپڑے میں لپیٹ کر دی،کہ اسے اپنے والداور ماموں عبداللہ بن رواحہ کے پاس کھانے کیلئے لے جاؤ،میں والد اور ماموں کی تلاش میں حضورِ اکرم کے پاس سے گزری،دریافت فرمایا،یہ کیا ہے،عرض کیا یا رسول اللہ یہ کھجوریں ہیں،جو میں اپنے والد اور ماموں کے لئے لے جارہی ہوں،فرمایا،ادھر لاؤ،میں نے حضورِ اکرم کے دونوں ہاتھوں میں انڈیل دیں،پھر فرمایا،کپڑے کو زمین پر بچھادو،پھر آپ نے کھجوریں اس کپڑے پر ڈال دیں،اور انہیں بکھیر دیا پھر ایک آدمی کو کہا،کہ تمام اہلِ خندق کو کھانے کے لئے آواز دو،سب لوگ جن کی تعداد تین ہزار کے لگ بھگ تھی،آگئے،وہ کھارہے تھے ،اور کھجوریں بڑھتی جارہی تھیں،تا آنکہ کپڑے کے کنارے سے باہر گرنے لگیں،ابوموسیٰ نے ذکر کیا ہے۔ چند لڑ۔۔۔

اخت عقبہ بن عامر،ابواحمد نے باسنادہ ابوداؤد سے،انہوں نے مخلد بن خالد سے،انہوں نے عبدالرزاق سے،انہوں نے ابنِ جریج سے،انہوں نے سعید بن ابوایوب سے،انہوں نے یزید بن ابو خبیب سے،انہوں نے ابوالخیر سے،انہوں نے عقبہ بن عامر جہنی سے روایت کی،کہ میری بہن نے نذر مانی،کہ وہ بیت اللہ تک چل کر جائے گی،اس نے مجھے کہا،کہ میں اس سلسلے میں حضورِ اکرم کا فتویٰ دریافت کروں،آپ نے فرمایاکبھی چل لے اور کبھی سوار ہولے،ابوموسیٰ نے ذکر کیا ہے۔ ۔۔۔