ابوالجراج الاشجعی،بقول خلیفہ ان کانام جراح تھااو ربنو اشجع بن ریث بن غطفان سے منسوبت تھے ابوموسیٰ نے ان کا ذکر کنیتوں میں کیا ہے۔ ۔۔۔

ابوجمعہ انصاری،ایک روایت میں سباعی ہے،بعض لوگوں نے ان میں فرق کیا ہے،لیکن دونوں ایک ہیں،ابوموسیٰ اور ابوعمر انہیں انصاری گردانتے ہیں،بعض کنانی کہتے ہیں،ان کے نام کے بارے میں اختلاف ہے،بعض حبیب بن سباع اور بعض حبیب بن وہب لکھتے ہیں،شامی شمار ہوتے ہیں، انہیں عام الاحزاب میں حضوراکرم صلی اللہ علیہ وسلم کی صحبت نصیب ہوئی۔ ابوالفضل بن منصور،ابوالحسن فقیہہ نے باسنادہ ابویعلی سے،انہوں نے عبدالغفار بن عبداللہ سے، انہوں نے عبداللہ بن عطاردبصری سے،انہوں نے اوزاعی سے،انہوں نے اسید بن عبدالرحمٰن سے،انہوں نے صالح بن محمد سے،انہوں نے ابوجمعہ سے روایت کی،کہ ایک دن انہوں نے حضورِ اکرم کے ساتھ صبح کا کھانا کھایا،وہاں ابوعبید الجراح بھی تھے،کہنے لگے،یارسول اللہ،کیاہم پر بھی کسی کو فضیلت حاصل ہے،ہم آپ پر ایمان لائے اور اللہ کی راہ میں جہاد کی۔۔۔

ابوالخیریزنی نےایک انصاری،لیث بن سعدنےیزیدبن ابوحبیب سے،انہوں نے ابوالخیرمرثد بن عبداللہ یزنی سےروایت کی،کہ ایک انصاری نے انہیں بتایا،کہ عیدالاضحیٰ کے موقعہ پرمدینے میں لوگوں نےکچھ شورسُنا،اورسمجھےکہ حضورِاکرم نمازعیدپڑھ چکےہیں،چنانچہ انہوں نےاپنی قربانی کےجانورذبح کردئیےبعدمیں انہیں معلوم ہوا،کہ اندازہ غلط تھا،اورحضورِاکرم نے ابھی نمازادا نہیں کی،چنانچہ انہوں نے آدمی بھیج کرحضورِاکرم کوصورتِ حال سےآگاہ کیا،آپ نے فرمایا،کہ اورجانورخریدواورپھرسےقربانی کرو،ابن مندہ اورابونعیم نے ذکرکیاہے۔ ۔۔۔

ابوخلاد الرعینی ،انہیں صحبت نصیب ہوئی،مگر ان کے نام اور نسب کا پتہ نہ چل سکا،یحییٰ ثقفی نے اذناً باسنادہ ابن ابی عاصم سے،انہوں نے ہشام بن عمار سے،انہوں نے حکم بن ہشام ثقفی سے،انہوں نے یحییٰ بن سعید بن ابان قرشی سے،انہوں نے ابوفروہ سے،انہوں نے ابوخلاد سے جو صحابی ہیں، انہوں نے حضورِ اکرم سے روایت کی،آپ نے فرمایا جب تم کسی ایسے مردِ مومن کو دیکھو جو دنیا سے بے نیاز اور کم گو ہو،تو اس سے قریب ہونے کی کوشش کرو،کہ ایسے شخص پر حکمت کا القاء ہوتا ہے، ہشام بن عمارنے حکم سے،انہوں نے یحییٰ سے اسی طرح روایت کی،امام بخاری نے احمد الدورقی، انہوں نے یحییٰ بن سعید بن ابان بن سعید بن عاص سے روایت کی،ابوفروہ خزری نے ابومریم سے، انہوں نے خلاد سے،انہوں نے رسولِ کریم سے اسی طرح روایت کی،اور یہی صحیح ہے،تینوں نے ان کا ذکر کیاہے۔ ۔۔۔

ابوخنیس الغفاری کابیان ہے ک وہ ایک دفعہ حضورِ اکرم صلی اللہ علیہ وسلّم کی معیت میں غزوہ کے لئے نکلے جب وہ عفان کے مقام پر پہنچے،تو حضورِ اکرم کے صحابہ بھی پہنچ گئے اور گزارش کی ،یارسول اللہ!ہم بھوک سے لاچارہوگئے ہمیں اجازت دیجئے،تاکہ ہم اپنی سواریاں ذبح کر کے اپنے پیٹ بھریں،حضرت عمر رضی اللہ تعالیٰ عنہ نے درخواست کی،یارسول اللہ ،اگر آپ راشن میں برکت کے لئے دعافرماتے تو بہترہوتا،پھر راوی نے اکی عمدہ حدیث جس کا تعلق نبوّ ت کی نشانیوں سے تھا، بیان کی، ان کی یہ حدیث ابوبکر بن عمر بن عبدالرحمٰن بن عبداللہ بن عمر نے (جوامام مالک کے شیخ ہیں) ابراہیم بن عبداللہ سے،انہوں نے عبدالرحمٰن بن عبداللہ بن ابوربیعہ سے روایت کی اور انہوں نے ابوخنیسہ سے سنی او رپھرحدیث بیان کی،تینوں نے اس کا ذکر کیا ہے۔ ۔۔۔