ابن عبدالاسد بن بلال بن عبداللہ بن عمربن مخزوم سلمہ کے والد اورام المومنین ام سلمہ کے شوہر تھے ان کے بعد نبی صلی اللہ علیہ وسلم نے حضرت ام سلمہ سے نکاح کرلیاتھا۱؎۔یہ صحابی بدری ہیں قدیم الاسلام تھے رسول خدا صلی اللہ علیہ وسلم کی حیات میں ان کی وفات ہوئی تھی ان کو تذکرہ عبداللہ بن عبدالاسد کے بیان میں گذرچکاہے یہ اپنی کنیت (ابوسلمہ)سے زیادہ مشہورتھے۔ان کا تذکرہ باب الکنیت میں انشاء اللہ تعالیٰ لکھاجائےگا۔ان کا تذکرہ ابوموسیٰ نے لکھاہے۔میں کہتاہوں ابوموسیٰ کی یہ عادت نہیں ہے کہ اس قسم کی باتوں کا(ابن مندہ پر)استدراک کریں اورجن لوگوں کا نام نبی صلی اللہ علیہ وسلم نے بدل دیاہے ان کو پھرپہلے نام کے ساتھ ذکرکریں کیوں کہ پہلا نام تو متروک ہوگیااس سے پہلے اوربھی اس قسم کے نام بہت آئے اگرابوموسیٰ یہی روش اختیارکرتے تو بہت طول ہوجاتا (پس کوئی وجہ نہیں معلوم ہوتی کہ خلاف عادت و خلاف عقل عبدمن۔۔۔

  مخزومی ہیں سعیدبن سائب طائفی نے عبدالملک بن ابی زہیربن عبدالرحمن ثقفی سے روایت کی ہے ان کوحمزہ بن عبداللہ نے قاسم بن حبیب سےانھوں نے عبدالملک بن عباد بن جعفر سے نقل کرکے خبردی کہ انھوں نےرسول خدا صلی اللہ علیہ وسلم کو فرماتے ہوئے سناکہ میں اپنی امت میں سب سے پہلے جن کی شفاعت کروں گا (وہ)اہل مدینہ اور اہل مکہ اور اہل طائف ہیں اس حدیث کو عبدالوہاب ثقفی نے سعید بن سائب سے انھوں  نے حمزہ بن عبداللہ ابن سبرہ سے انھوں نے قاسم بن حبیب سے انھوں نے عبدالملک سے روایت کیاہے وہ کہتے تھے میں نے نبی صلی اللہ علیہ وسلم کوفرماتے ہوئے اسی طرح سناہے۔اسی حدیث کو محمد بن بکار نے زافربن سلیمان سے انھوں نے محمد بن مسلم سے انھوں نے عبدالملک بن زہیرسے انھوں حمزہ بن ابی شمرسے انھوں نے محمد بن عبادسے انھوں نے نبی صلی اللہ علیہ وسلم سے روایت کیاہے۔ان کا تذکرہ تینوں نے لکھاہے۔ (اسد الغابۃ جلد نمبر 6-7)۔۔۔

  ابن اکیدریہ (مقام)دومتہ الجندل کے حاکم تھے۔یحییٰ بن وہب بن عبدالملک حاکم دومتہ الجندل نے اپنے والد سے روایت کی ہے کہ نبی صلی اللہ علیہ وسلم نے میرے والد کوایک خط لکھا(اس وقت) آپ کے پاس مہرنہ تھی (لہذا) اپنے ناخون سے آپ نےاس پرنشان بنادیا اس کوعبدالسلام بن محمد نے ابراہیم بن عمروبن وہب سے انھوں نے اپنے والد سے انھوں نے اپنے داداسے روایت کی ہے۔ ان کاتذکرہ ابن مندہ اور ابونعیم نے لکھاہے۔ میں کہتاہوں بلاشبہ رسول خدا صلی اللہ علیہ وسلم نے عبدالملک کوغزوہ تبوک میں خط لکھاتھا(وہ خط لے کر)خالد بن ولید کے پاس گئے تھے اور وہ خط ان کا پہنچادیاتھاعبدالملک نے حضرت خالد کو قید کر لیاتھاپھرنبی صلی اللہ علیہ وسلم نے ان سے صلح کرلی اور انھوں نے نبی صلی اللہ علیہ وسلم کے پاس جزیہ بھیج دیا واللہ اعلم۔اکیدر کے بیان میں یہ تذکرہ اس مقام سے (زیادہ اور)پورابیان ہواہے۔ (اسد الغابۃ جلد نمبر 6-7)۔۔۔

  ان کی کنیت ابوعبیدتھی ازدی ہیں (خاندان)ازدکے غلام تھے موسیٰ بن سہل نے عبدالجبار بن یحییٰ بن فضل بن یحییٰ بن قیوم سے انھوں نے اپنے داداسے انھوں نے اپنے والد یحییٰ سے انھوں نے اپنے داداقیوم سے روایت کی ہے کہ وہ (یعنی قیوم)اپنے غلام ابوراشد کوہمراہ لے کر نبی صلی اللہ علیہ وسلم کے پاس وفدمیں آئے رسول خدا صلی اللہ  علیہ وسلم نے ابوراشدسےدریافت کیاکہ تمھاراکیانام ہے انھوں نے کہاعبدالعزی(اور)ابومغویہ (کنیت)ہے آپ نے فرمایاکہ تم عبدالرحمن ابوراشد ہوفرمایا یہ تمھارے ہمراہ کون ہے عرض کیاغلام ہے فرمایااس کا کیانام ہے کہاقیوم فرمایا(نہیں)لیکن یہ عبدالقیوم ابوعبید ہیں ان کا تذکرہ ابن مندہ اورابونعیم نے لکھاہے۔ (اسد الغابۃ جلد نمبر 6-7)۔۔۔

  ا بن حشیش ان کی کنیت ابوحازم تھی احمسی ہیں  احمس بن غوث کے خاندان سے تھےیہ قیس ابن ابی حازم کے والد تھے ان سے ان کے بیٹے قیس نے روایت کی ہے اور یہ (عبدعوف)اپنی کنیت سے مشہورہیں بعض لوگوں نے ان کا نام عبدعوف بیان کیاہے اس کوہم نے باب کنیت میں ذکرکیاہے۔ان کا تذکرہ تینوں نے لکھاہے۔ (اسد الغابۃ جلد نمبر 6-7)۔۔۔