آپ کو شیخ محمد جانسی بھی کہا جاتا تھا آپ کا لقب محقق ہندی تھا آپ شیخ اللہ داد قدس سرہ کے خلیفہ تھے آپ کے کلام میں اپنے پیر و مرشد کی بڑی تعریف کی گئی ہے آپ کو اکبر بادشاہ کے دربار میں لایا گیا تو اس وقت آپ کو زپشت(کبڑے) ہو چکے تھے بادشاہ آپ کی شکل و صورت دیکھ کر ہنس پڑا آپ نے فرمایا بادشاہ حضور آپ چھوٹے پر ہنس رہے ہیں یا بڑے پر یہ تو سب اس کے بنائے ہوئے ہیں بادشاہ اس بات سے متنبہ ہوگیا اور آپ کی باتوں سے بہت متاثر ہوا آپ نے ہندی زبان میں بہت سی کتابیں لکھی تھیں جن میں سے پد ماوت، کتھاوت، اکبروتی، کہرانامہ، پوشی نامہ، ہولی نامہ بڑی مشہور ہوئیں تھیں کہتے ہیں کہ آپ شیخ اللہ داد کے زیر تربیت رہ کر بڑے بلند مقامات پر فائز ہوئے تھے ۱۰۴۹ھ میں فوت ہوئے صاحب معارج الولایت نے لکھا ہے کہ آپ اکبر بادشاہ کے آخری سال اقتدار تک زندہ تھے۔

محمد چوں ز دنیا نزد حق رفت
بسال رحلت آں شاہ عالی
یکے فضل کمال اولیا خواں
۱۰۴۹ھ
دگر فرما محمد شیخ والی
۱۰۴۹ھ