ثبیتہ دختر یعار بن زید بن عبید بن زید بن مالک بن عوف بن عمرو بن عوف انصاریہ،یہ خاتون ان لوگوں میں شامل تھیں،جنہوں نے آغاز کار میں ہجرت کی تھی،اور ان کا شمار فاضل خواتین میں ہوتا تھا،یہ خاتون ابو حذیفہ بن عتبہ بن ربیعہ کی زوجہ تھیں،اور سالم مولی ابو حذیفہ کی آزاد کردہ کنیز تھی،انہیں آزادی کے بعد سالم نے ان کی ولایت ابو حذیفہ کو دے دی تھی،ایک روایت میں سالم کو ابو حذیفہ آزاد کردہ غلام کہا گیا ہے،اور سالم جنگ یمامہ میں مارے گئے تھے۔

اس خاتون کے نام کے بارے میں اختلاف ہے،مصعب نے ثبیتہ لکھا ہے،ابو طوالہ نے عمرہ دختر یعار کہا ہے،ابن اسحاق کا قول ہے قول ہے،کہ سالم ایک انصاریہ کے آزاد کردہ غلام تھے،موسیٰ بن عقبہ نے ابنِ شہاب سے روایت کی کہ سالم بن معقل سلمی دختر تعار کے آزاد کردہ غلام تھے،لیکن ابراہیم بن منذر نے اس خاتون کا نام یعار لکھا ہے،ابو عمر نے ذکر کیا ہے۔