سیرین ماریہ قبطیہ کی بہن،یہ وہ خواتین ہیں،جنہیں مقوقس شاہ اسکندریہ نے بطور ہدیہ آپ کے پاس بھیجاتھا،آپ نے ماریہ کو بطور کنیز اپنے پاس رکھ لیا،اور سیرین،حسان بن ثابت کو دے دی،جناب ماریہ کے بطن سے حضورِاکرم کے صاحبزادے ابراہیم پیدا ہوئے اور سیرین کے بطن سے عبدالرحمٰن پیدا ہوئے،انہوں نے اپنی والدہ سے روایت کی،کہ جب حضورِاکرم کے صاحبزادے ابراہیم فوت ہونے لگے،تو جب بھی میں اور ماریہ روتیں تو آپ رونے سے منع فرماتے،بعد از وفات فضل بن عباس نے بچے کو نہلایااور حضورِاکرم اور حضرت عباس چارپائی پر بیٹھے تھے بچے کو اٹھا لے چلے،تو میں نے حضورِاکرم کو قبر کے ایک طرف بیٹھے دیکھا،بچے کی قبر میں فضل،عباس اور اسامہ بن زید اُترے،اور اسی دن سورج کو گہن لگ گیا،لوگوں نے کہنا شروع کردیا،کہ کسوف کی وجہ ابراہیم کی موت ہے،حضورِاکرم صلی اللہ علیہ وسلم نے فرمایا ،کہ کسوف کی وجہ نہ تو کسی کی موت ہو سکتی ہے نہ حیات۔

قبر میں ایک سوراخ نظر آیا،تو آپ نے فرمایا،کہ اسے بند کردو،اس سے نہ کسی کو فائدہ پہنچ سکتاہے، اورنہ نقصان،ہاں البتہ دیکھنے والوں کی آنکھ کو آرام محسوس ہوتاہے،اور جب بندہ کوئی ایسا عمل کرتا ہےجو اللہ کو ناپسند ہوتاہے،اللہ اسے استواری عطا کرتا ہے،تینوں نے ذکر کیا ہے۔