شہید غزوہ احد حضرت سیدنا عمارۃ بن زیاد بن سکن الانصاری  رضی اللہ تعالیٰ عنہ

 بن سکن بن رافع انصاری اشہلی۔ان کا نسب ان کے باپ کے ذکرمیں پہلے بیان ہوچکا۔یہ جنگ احد میں شہیدہوئےابوجعفربن سمین نے اپنی اسنادکے ساتھ یونس بن بکیرسے روایت کرے مجھ کوخبردی انھوں نے ابن اسحاق سے روایت کی وہ کہتے تھے مجھ سےحصین بن عبدالرحمن نے بیان کیا انھوں نے محمودبن عمروبن یزیدبن سکن سے روایت کی وہ کہتےتھے کہ جنگ احدمیں  جب قوم کفار نے رسول اللہ صلی اللہ علیہ وسلم کوگھیرلیاتوآپ نے فرمایاکہ کون ہے جواپنے کو میرے لئے فداکرے پس زیاد بن سکن اوربعض لوگ کہتےہیں کہ عمارہ بن زیادبن سکن پانچ انصاریوں میں سے کھڑے ہوگئے اوررسول خدا صلی اللہ علیہ وسلم کے قریب ایک سے ایک لڑنے لگے جو آپ صلی اللہ علیہ وسلم کے قریب لڑرہے تھے سب سے آخر میں زیادیاعمارہ بن زیاد نے مقاتلہ کیاحتی کہ زخمی ہوکرگرپڑے پھرمسلمانوں نے کے ایک گروہ نے آکران کوکفاروں سے چھڑایا رسول اللہ صلی اللہ علیہ وسلم نے فرمایا کہ ان کو میرے پاس لاؤ لوگ ان کو آپ کے پاس لے گئے آپ نے اپنے قدم سے ان کے تکیہ لگادیاپس ان کی وفات ہوگئی اوران کامنہ رسول اللہ صلی اللہ علیہ وسلم کے قدم مبارک پرتھا۔ان کا ذکرشہیدان احد ؟میں نہیں کیاگیاہے۔اورہشام بن کلبی نے کہاہے کہ عمارہ بن زیاد بن سکن جنگ بدرمیں شہیدہوئےاوران کے باپ زیاد بن سکن جنگ احد میں واللہ اعلم ان کا تذکرہ تینوں نے لکھاہے۔

(اسد الغابۃ جلد بمبر 6-7)