حضرت شیخ یحیی بن وجہ اللہ عظیم آبادی علیہ الرحمۃ

نام ونسب: آپ کا نام یحیٰ اور والد کا نام وجہ اللہ جو کہ کاملین و صالحین میں سےتھے  جن کو دیکھ کر خدا یاد آجاتا تھا۔

سیرت وخصائص: عالمِ ربانی، قدوۃ العلماء،فقیہ ملتشیخ یحیٰ بن وجہ اللہ عظیم آبادی حسینی رضوی  رحمۃ اللہ علیہ جس طرح  آپ اپنے وقت کے ایک بہت بڑے عالم تھے اِسی طرح  عظیم المرتبت اولیاء میں سے آپ کا شمار ہوتا تھا۔آپ نےحصولِ علمِ دین کے لئے کئی مقامات کا سفر کرکےعلومِ عقلیہ ونقلیہ پرعبورحاصل کیا۔ علمِ دین کی حصول سے فراغت کے بعد آپ خدمتِ خلق کی طرف متوجہ ہوکر عوام کےظاہر وباطن کی اصلاح فرمائی ۔اور جس طرح عوام آپ کے فیض سے مستفیض ہوتے اسی طرح  جلیل القدر علمائے کرام بھی آپ سے استفادہ فرماتے تھے کہ جن میں علامہ شیخ احمد ابو الخیر مکی علیہ الرحمہ کا نام سرِ فہرست ہے۔

وصال:آپ علیہ الرحمہ کا وصال 24 ذی قعدہ1302 ھ/ بمطابق  3 ستمبر 1885 ء  میں ہوا۔

ماخذ ومراجع: چودھوی صدی کے علمائے برِ صغیر