بن ابی فاطمہ دوسی: یہ سعید بن عاص بن امیّہ کے حلیف تھے۔ بقول موسی بن عقبہ یہ سعید بن عاص کے آزاد کردہ غلام تھے۔ قدیم الاسلام تھے اور مکے سے ہجرت کر کے حبشہ چلے گئے تھے۔ بعد میں مدینہ چلے گئے۔

عبید اللہ نے باسنادہ یونس سے انہوں نے ابن اسحاق سے بہ سلسلۂ مہاجرین حبشہ از بنو امیّہ ان کے خلفا اور معیقیب بن ابی فاطمہ سے روایت کی ہے، کہ یہ صاحب سعید بن عاص کی آل سے تھے اور ان کی اولاد تھی۔ معیقیب حبشہ سے ان لوگوں کے ساتھ آئے تھے جو دو کشتیوں میں سوار ہوکر مدینے پہنچے تھے اور حضور اکرم صلی اللہ علیہ وسلم ان دونوں خیبر میں تھے۔ ابن مندہ کے مطابق وہ بدر میں شریک تھے۔ رسولِ اکرم صلی اللہ علیہ وسلم کی مہران کے پاس ہوتی تھی۔ حضرت عمر نے انہیں بیعت المال کا خازن مقرر کیا تھا۔ کچھ عرصہ بعد یہ جذام میں مبتلا ہوگئے تھے۔ اور پھر اطبا کے علاج سے تندرست ہوگئے تھے۔

یہ وہی صاحب ہیں۔ جن کے ہاتھ سے حضرت عثمان کے عہدِ خلافت میں رسولِ کریم صلی اللہ علیہ وسلم کی انگوٹھی کنوئیں میں گر گئی تھی۔ اس سانحہ کے بعد مسلمانوں میں اختلاف رو نما ہوا، جو آج تک اسی طرح چلا جا رہا ہے۔ حضرت عثمان پر جو پر جو کچھ بیتی: وہ تو اوراق تاریخ میں ثبت ہوچکا ہے۔ لوگ حضرت سلیمان کی انگشتری کے گم ہونے پر تعجب کا اظہار کرتے ہیں۔ اس کا اثر صرف شام تک محدود تھا، لیکن حضور اکرم صلی اللہ علیہ وسلم کی خاتم کے گم ہونے سے مسلمانوں پر جو ادبار آیا ہے۔ وہ آج تک ختم نہیں ہوا۔