آ پُنلا ! باغ بہاراں وے
مَیں گھول گھتی لکھ واراں وے
رِم جھم ، رِم بُونداں برسن
دید تری نوں اکھیاں ترسن
مَیں روداں تے آہیں ماراں وے
آ پُنلا و باغ بہاراں وے
میَں گھول گَھتی لکھ واراں وے
اوہ پُر کیف ترانے بُھل گئے
مے خانے، پیمانے بُھل گئے
سب وِسریم مینگھ ملہاراں وے
آ پُنلا و باغ بہاراں وے
مَیں گھول گَھتی لکھ داراں وے
تیرے باہجھ بہار نہ کوئی
غم بہتے غم خوار نہ کوئی
ہتھ جوڑ مَیں عرض گزاراں وے
آ پُنلا و باغ بہاراں وے
مَیں گھول گَھتی لکھ داراں وے
گلشن، باغ، ویرانے مَینوں
اپنے وی بیگانے مَینوں
بِن تیرے مَیں کِس کاراں وے
آ پُنلا باغ بہاراں وے
مَیں گھول گَھتی لکھ داراں وے
دِلڑی غرق غماں وچ ہوئی
راہ نصؔیر نوں دَس جا کوئی
ہک جندڑی تے درد ہزاراں وے
آ پُنلا و باغ بہاراں وے
مَیں گھول گَھتی لکھ داراں وے
(عرشِ ناز)
خوش آمدید