دردِ غم سے دل مِرا ہوجائے خالی، اَلْغِیَاث!
دیکھ لوں گر روضۂ عالی کی جالی، اَلْغِیَاث!

ہے یہی مرہم مِرا اِس سینۂ صد چاک کا
ہے یہی کافی علاجِ اندمالی، اَلْغِیَاث!

یَا شَفِیْعَ الْمُذْنِبِیں، یَا رَحْمَۃً لِّلْعَالَمِیں!

خاص محبوبِ خدا سلطانِ عالی، اَلْغِیَاث!

آج تک پیدا ہوا تم سا نہ ہوئے گا کبھی
آپ ہیں سرور ریاضِ بے مثالی، اَلْغِیَاث!

یہ دلِ پُژ مُردہ ہے مدّت سے تاراجِ خزاں
لطف سے بخشو بہارِ تازہ حالی، اَلْغِیَاث!

آرزو یہ ہے درِ دولت پہ تیرے رات دان
ہو مُحیا مدحِ خاکِ پاک پائیمالی، اَلْغِیَاث!

کوئی رو کے یا اٹھا دے پر یہ ا ٹھے گا نہیں
اب تو کافؔی ہے تِرے در پر اُٹھالی، اَلْغِیَاث!
۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی)