غم فراق نبی میں جو اشک بہتے ہیں

ان آنسوؤں کو متاع حیات کہتے ہں

نہ پوچھ ٹوٹے ہوئے دل کی آبرو کیا ہے

سُنا یہ ہے کہ وہ ٹوٹے دلوں میں رہتے ہیں

دل میں نبی کی یاد بسی ہے زہے نصیب

دنیائے عشق جھوم رہی ہے زہے نصیب

ہم مست آج کے نہیں مَست اَلست ہیں

مَے عِشقِ مصطفی کی ملی ہے زہے نصیب

محشر میں بات خوب نبی ہے زہے نصیب

سَر پر روائے لطفِ نبی ہے زہے نصیب

ہر شے میں دیکھتے ہیں تجلی حضور کی

شائستگی نظر کو ملی ہے زہے نصیب

جِس در پہ سر جھکانا ہے مقصود زندگی

میری جبینِ شوق جھکی ہے زہے نصیب

اغیار کے کرم سے نہیں ہوں میں شرم سار

جھولی مری تمہیں نے بھری ہے زہے نصیب

محبوب کی رضا ہے رضائے خدائے حشر

میزان اک طرف کو دھری ہے زہے نصیب

خاؔلد ہے نازِ نسبت سرکار پر مجھے

نعمت بھی بہترین یہی ہے زہے نصیب