درشانِ غوث پاک﷛

غوثِ اعظم دستگیرِ بے کَساں
غوثِ اعظم رہنمائے گمرہاں

غوثِ اعظم بیکسوں کے دادرس
غوثِ اعظم خلق کے فریادرس

غوثِ اعظم گلشنِ زہرا کے پھول
غوثِ اعظم قرۃِ عین رسولﷺ

غوثِ اعظم ڈوبتوں کے نا خدا
غوثِ اعظم محیِ دین مصطفیٰﷺ

غوثِ اعظم واقفِ اسرار ہو
غوثِ اعظم سرِ قدرت مو بہ مُو

غوثِ اعظم شاہ بازِ لامکاں
جن کی نظروں میں زمین و آسماں

غوثِ اعظم صاحبِ ایوان و تخت
جس نے چوروں کو بنایا قطبِ وقت

غوثِ اعظم متقی ہر آن میں
چھوڑا ماں کا دودھ بھی رمضان میں

غوثِ اعظم کی نگاہِ لطف سے
نکلے بارہ سال ڈوبے ہوئے

غوثِ اعظم اب مدد کی بار ہے
سالکِؔ خستہ نحیف و زار ہے

ترمیم شدہ شعر

غوثِ اعظمِ درمیانِ اولیاء
چوں جنابِ مصطفیٰ ﷺ در انبیاء