ہے نور فشاں طرفہ بہارِ شبِ معراج
خورشید تھا افشاندہ بہارِ شبِ معراج

فردوس میں اور نئے پھول کھلائے
جس وقت چلی بادِ بہارِ شبِ معراج

جولاں گہِ افلاک بس شوکتِ شاں سے
ہے گرم عناں شاہ سوارِ شبِ معراج

کیا رات تھی کیا رات تھی وہ عینِ تجلّی
جز نور نہ تھا دُود و بخارِ شبِ معراج

محبوبِ خُدا تو چمنِ عرشِ بریں تھا
جبریل نہ ہو کیوں کہ بزارِ شبِ معراج

دوزخ سے ہوئی اُمّتِ عاصی کی رہائی
کیا ہم کو مِلا خوب نثار ِ شبِ معراج

کافؔی ہے مِرے واسطے بخشش کا وسیلہ
مدّاحیِ سلطانِ دیارِ شبِ معراج
۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی)