جان و دل اس شہ لو لاک پہ قربان ہے
اُن کے قدموں پہ تصدق یہ دل و جان کیجئے

ماہ کیا چیز ہے اک جاں کی حقیقت کیا ہے
لاکھ جان فرش رہ مقدم جانان کیجئے

بچ گئے جس کی شفاعت کے سبب دوذخ سے
ایسے محسن کا ادا شکر کس عنوان کیجئے

آہ جب دولت دیدار ہے ہم کو نہ ملی
کیوں نہ اُس عمر کو صرف غم ہجران کیجئے

سامنے آپ کے اے مہر سپہر رحمت
عرض کیا کیا الم شام غریبان کیجئے

شدت رنج ومحسن جرم و گنہ کی کثرت
یا غم درد کو اظہار نمایاں کیجئے

اب تو اے رحمت عالم لب اعجاز سے
کاؔفی خستہ دل ریش کا درما ں کیجئے
۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی)