جب یاد تیری آئی ہے پہلو میں درد بن کے
جھونکے برے لگے ہیں پھر نکہت چمن کے
پھر کیسے مسکرائیں یہ ننھی ننھی کلیاں
جب باغباں ہے گلچیں حق میں گل چمن کے
اس وقت کیا کریں گے ہم جبکہ اے ستمگر
یادیں تمہاری آئیں ہر جوڑ سے بدن کے
کھاتا رہا میں دھوکا آزادیوں کا ہمدم
آئے قفس میں جھونکے جب جب مرے چمن کے
کوئی ادا بھی ہوگی اب کارگر نہ مجھ پر
میں نے سمجھ لئے ہیں انداز پُرفتن کے
اخؔتر تری غزل میں تابائی ہنر ہے
تم بھی ہو اک ستارے آفاق اہل فن کے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔