کیا   بیاں ہو حسن  مطلب کے فروغِ نور کا

ذرّے ذرّے سے نمایاں  ہے تجلی طور کا

واہ اے برقِ  جمالِ یار تیری  تابشیں

سار ے عالم  آئنہ  خانہ  ہے تر ے نور کا

قطرے  قطرے  میں  نہاں تھی شورش ِ طوفانِ عشق

ضبط  کرتا  کس طرح  دل حضرت منصور کا

خود نمائی  کے لیے  بزم ِ خدائی  تھی ضرور

بن گئی  بے پردگی دامن  حجاب  نور کا

تجھ سے تیری  ہی طلب ہے ہر طلب تیرے لئے

خلد کا طالب نہ خواہش  مند  ہوں  میں  حور کا

اک  ترا جلوہ  ہوا آکر  دو  عالم  آشنا

نام  بس  فرقِ مراتب  میں  ہے نار و نور کا

کیف افزا اس قدر ہونا نہ تھا اے چشمِ مست

کھل نہ جائے راز  تیرے  بیخود  و مخمور کا 

نحن اقرب کی صدانے ہوش  اڑائے  خلق  کے

قرب نے تیرے  دکھایا  راستہ  یہ دُور  کا

پا ئے اس  کو  کس  طرح قانونِ عقل  و فہم  و علم

جو  نہیں  پابند   عالم  کے کسی  دستور کا

ہیں فنا   میں  جلوہٗ  مہر ِ بقا کی تابشیں

نام چمکا ۔  خاک ہو کر۔ خوب کوہِ طور کا

اسکی  شان ِ  کبر  و نخوت کو نہیں  لگنے  کی ٹھیس

ٹھوکریں  کھاتا  پھرے  سر قیصر و فغفور کا

ہاں اسی  کا جلوہ   قدرت  ہے اصلِ کائنات

عالمِ ایجاد  اک  پردہ  ہے  اس کے  نور کا

وہ کہ نور ِ  جان  و دل ہے وہ کہ  جانِ نور ہے

دیدہ   موسیٰ   میں   چمکا بن کے  تارا  طور کا

چشمِ  نظارہ طلب کی  حسر تیں  بن کر رہا

 دل کا   وہ ارماں  جو تھا  پروردہ  تیرے  نور کا

نذر حق  کرنے کے لائق  ہوگیا۔جذبات ِ حمد

فیض  صحبت  ہے یہ حامد حضرتِ منظور  کا