کِس قدر حسِیں ہم نے مطمحِ نظر پایا جس طرف نظر اُٹھی تم کو جلوہ گر پایا یادِ زلف و عارض کا لطف رات بَھر پایا بخت کے اندھیرے میں نور تا سحر پایا اِک مقامِ رفعت ہے خاص ہر پیمبر کا ہے بلند تر سب سے آپﷺ کا مگر پایا آگ اور پانی کا ارتباط تو دیکھو شمع دل کی جب بھڑکی آنکھ کو بھی تَر پایا سر زمینِ کعبہ پر سر جہاں جہاں رکھّا تیری خاک پا پائی تیرا سنگِ در پایا ہے وجودِ باری پر ذاتِ شاہِ والا کا معتبر دلائل میں معتبر پایا دردِ دل نے اُٹھ اُٹھ کر اپنی ہی بلائیں لیں جب طبیبِ طیبہ کو اپنا چارہ گر پایا ھَلْ اَتٰی تِرا رتبہ، قربِ حق تِری منزل عرش سربسجدہ ہے تیرا دیکھ کر پایا دور رہ کے آقاﷺ سے کیا مزہ ہے جینے کا اب تو ایسے جینے سے یہ غلام بَھر پایا اور دیکھتے جلوے اُن کی شانِ رحمت کے کیا کریں قیامت کا دن ہی مختصر پایا مدحتِ شہِ دیں کا یہ صِلہ ہے اے اختؔر فیضِ کعب و حسّان کا نعت میں اثر پایا ۔۔۔
مزید
جب محمّدﷺ کا لب پہ نام آیا رحمتوں نے نزول فرمایا تو نے کیسا نصیب ہے پایا اے حلیمہ! رسولﷺ کی دایا لاک ’’بادِ سمومِ کفر‘‘ چلی تیرا چہرہ کبھی نہ سنولایا اے زسرتابہ پا سراجِ منیر تو نے تاریکیوں کو چمکایا تا ابد تیری چاندنی نہ ڈھلی ماہِ حق! تو کبھی نہ گہنایا عشق، اور عشق بھی محمّدﷺ کا جنس، اور جنس بھی گرا نمایا آپﷺ خود سایہ الہٰی ہیں کس طرح آپﷺ کا ہو پھر سایا جب مقدّر ہوئی ازل میں حیات میں نے نعتِ نبیﷺ کو اپنایا دل میں یادِ نبیﷺ رہے اختؔر ہے یہی زندگی کا سرمایہ ۔۔۔
مزید
ہیں دو عالم زیرِ فرمانِ حبیبِ کبریاﷺ اے تعالی اللہ یہ شانِ حبیبِ کبریاﷺ حشر میں زیرِ لواء الحمد ہیں وقفِ جمال ہے یہ اعزازِ غلامانِ حبیبِ کبریاﷺ لو گنہگارو! وہ برسی رحمتِ حق کی بَھرن لو وہ اُٹھا ابرِ بارانِ حبیبِ کبریاﷺ ہیں بہشتِ حُسن گل بوٹے مدینے کے تمام خلد برکف ہے گلستانِ حبیبِ کبریاﷺ عقلِ انساں گم، ملک نا واقفِ اوجِ حضورﷺ ہے خدا خود مرتبہ دانِ حبیبِ کبریاﷺ ہاتھ خالی، دل غنی، کون و مکاں پر اقتدار دیکھنا یہ سازو سامانِ حبیبِ کبریاﷺ لوگ جاتے ہوں گے خالی ہاتھ دنیا سے مگر میرے ہاتھوں میں ہے دامانِ حبیبِ کبریاﷺ حشر کا دن عیدِ دیدِ رفعتِ سرکار ہے کیجئے نظارۂ شانِ حبیبِ کبریاﷺ طُور کا منظر نگاہوں میں ہے، اختؔر صبح و شام جلوہ گر ہے دل میں ارمانِ حبیبِ کبریاﷺ ۔۔۔
مزید
پاشکستہ تا درِ خیرالانامﷺ آہی گیا چلتے چلتے ہاتھ اس کو یہ مقام آہی گیا صاحبِ وَالْفَجرﷺ کی زلفِ معنبر دیکھ کر عقل میں حسنِ نظامِ صبح و شام آہی گیا آپﷺ کی اس رحمتہٌ لّلعالمینی کے نثار مجھ سے بَد کا بھی نکو کاروں میں نام آہی گیا جوشِ وحشت باادب، شوقِ زیارت ہوشیار ہیں جہاں ساجد فرشتے وہ مقام آہی گیا جان دے کر یوسفِ قَوسَین کی رفتار پر کچھ نسیمِ صبح کو طرزِ خرام آہی گیا اب تخیّل کو حقیقت سے بدل سکتے ہیں آپ بابِ رحمت پر بہر صورت غلام آہی گیا بٹ رہی ہے چشمِ رحمت سے مئے لَاتَقْنَطُوْا محفلِ محشر میں ہم تک دورِ جام آہی گیا ہم نے مانا وہ نمازِ پنجگانہ ہی سہی آگیا منکرِ کے لب پر بھی سلام آہی گیا میں ہوا اختؔر ضیاؔء القادری کا جانشیں میرا شغلِ نعت گوئی میرے کام آہی گیا ۔۔۔
مزید
ہر تڑپ پر روضۂ پُر نورﷺ ہے دل کے قریب دردِ فرقت میں بہ ہر پہلو ہُوں منزل کے قریب ناخدا تم ہو تو پھر طوفانِ محشر ہی سہی ہم بہر صورت پہنچ جائیں گے منزل کے قریب نزدِ سرکارِ دو عالمﷺ ہے صحابہ کا ہجوم کیا بھلے لگتے ہیں تارے ماہِ کامل کے قریب دیکھتے ہی گنبدِ خضریٰ کو آجائے اَجَل کشتئ عمرِ رواں ہو غرق ساحل کے قریب پاسباں ہیں صاحبِ لَاتَقْنَطُواﷺ کی رحمتیں نااُمیدی آ نہیں سکتی کبھی دل کے قریب لِیْ مَعَ اللہ بزمِ محبوب و مُحب کی بزم ہے دوسرے کا کب گزر اس خاص محفل کے قریب چودھویں کی شب میں مصروفِ تلاوت ہیں بلال کتنا روشن دائرہ عارض پہ ہے تِل کے قریب جاں یہ شمعِ آرزو میں کس نے اختؔر ڈال دی اختتامِ قصۂ مہجورئ دل کے قریب ۔۔۔
مزید
رب کا محبوب بشر ہے بخدا کون؟ کہ آپﷺ نور ہی نور مگر ہے بخدا کون؟ کہ آپﷺ وجہِ تزئینِ نظر ہے بخدا کون؟ کہ آپﷺ رنگ و حسنِ گلِ تَر ہے بخدا کون؟ کہ آپﷺ رشکِ خورشید و قمر ہے بخدا کون؟ کہ آپﷺ رونقِ شام و سحر ہے بخدا کون؟ کہ آپﷺ سرورِ خشک ہے تر ہے بخدا کون؟ کہ آپﷺ مالکِ بحر ہے بَر ہے بخدا کون؟ کہ آپﷺ ہر نظر کس کی تسکین اثر؟ آپﷺ کی ہے چارۂ دردِ جگر ہے بخدا کون؟ کہ آپﷺ کون ہے نافعِ مخلوق؟ فقط آپ حضورﷺ دافعِ فتنہ و شر ہے بخدا کون؟ کہ آپﷺ جس کو اللہ تعا لےٰ نے کہا نور و سراجﷺ وہ بالفاظِ دگر ہے بخدا کون؟ کہ آپﷺ آپﷺ کی مدح مِری جاں ہے، مِرا ایمان ہے مِری دولت، مرا زر ہے بخدا کون؟ کہ آپﷺ آپ کی سمت فقط اٹھتی ہے اختؔر کی نظر یعنی ’’مقصودِ نظر‘‘ ہے بخدا کون؟ کہ آپﷺ ۔۔۔
مزید
یوں ہوئی یادِ رخِ محبوب مہمانِ حیات آنسو آنسو بن گیا شمعِ فروزانِ حیات میری جانب بھی بہ شانِ لطف اے جانِ حیاتﷺ وہ نگاہیں جو بدل دیتی ہیں عنوانِ حیات کر دیا پُر گوہر مقصد سے دامانِ حیات یانبیﷺ تم بن کر آئے ابر نبسانِ حیات تم نے آکر سوزنِ رحمت سے کی بخیہ گری پارہ پارہ ہوچکا تھا ورنہ دامانِ حیات زندگی کے آپ نے سمجھائے اسرار و رموز آپ سے پہلے کسے حاصل تھا عرفانِ حیات تم نے قیدِ جہل سے بخشی نجاتِ دائمی ہر نفس تھا خلق کو زنجیرِ زندانِ حیات اُن کی دُھن، ان کی لگن، ان کی تمنّا، ان کی یاد مختصر سا ہے مگر کافی ہے سامانِ حیات تیرے صدقے اے بہارِ فرقتِ کوئے حبیبﷺ ہے پَھلا پُھولا، خدا رکھے گلستانِ حیات شانۂ اخلاق سے تم نے سنوارے پیچ و خم ورنہ تھی اُلجھی ہوئی زلفِ پریشانِ حیات اے دیارِ مصطفیٰﷺ میں مرنے والے خوش نصیب کس حَسِیں انداز سے بدلا ہے عنوانِ حیات موت آئے اُن سنہری جالیوں کے سامنے بس یہی لے دے کے ۔۔۔
مزید
ہُوں شرمسار فرومائیگی پہ جانِ حیات حضورﷺ نذر کو لایا ہوں ارمغانِ حیات یہیں سے مردہ دلوں کو مِلا نشانِ حیات ہے ذرّہ ذرّہ مدینے کا آستانِ حیات ہزار جان تصدّق شہیدِ ہجرِ حبیبﷺ ہے تیری رگ میں پوشیدہ کل جہانِ حیات یونہی چھلکتے رہیں چشمِ تَر کے پیمانے نہ کم ہو تشنگی شوقِ دیدِ جانِ حیات ہر اک سانس ہے مظہر تمہاری رحمت کا کہاں یہ شانِ کرم اور کہاں زبانِ حیات تمہاری ذاتِ مجسّم دلیلِ ہستی ہے تمہارا نام حقیقت میں ہے نشانِ حیات مسیح کعبہ و بطحا کے مرنے والوں پر قسم خدا کی اَجَل کو بھی ہے گمانِ حیات خود آشنا و خدا آشنا نہ ہم ہوتے نہ ہوتی ذاتِ گرامی جو درمیانِ حیات ضرور لائیں گے تشریف صاحبِ معراج بنے گی قبر ہماری بھی لامکانِ حیات کچھ اور تیز قدم اضطرابِ جذبۂ شوق رُکے دیارِ مدینہ یہ کاروانِ حیات بس ایک حدِ تنفّس ہے درمیاں اختؔر ذرا بھی دور نہیں آستانِ جانِ حیات ۔۔۔
مزید
ہے صبحِ ازل تابشِ رخسارِ محمّدﷺ ہے شامِ ابد گیسوئے خمدارِ محمّدﷺ کر اتنا کرم حسرتِ دیدارِ محمّدﷺ دنیا مجھے کہنے لگے بیمارِ محمّدﷺ ہیں فرش سے تا عرشِ بریں جس کی ضیائیں اللہ رے آئینۂ رخسارِ محمّدﷺ ہے قربِ خدا سرورِ عالم کی غلامی محبوب خدا کا ہے طلبگارِ محمّدﷺ دیتا ہے خدا ان کو، یہ دیتے ہیں جہاں کو دنیا ہے حقیقت میں نمک خوارِ محمّدﷺ رضواں! مری جنت تو یہی ظلِّ خدا ہے رہنے دے تہِ زلفِ کرم بارِ محمّدﷺ صدقے تِرے تو نے مِری ہر پیاس بجھائی اے تشنگئ جلوۂ رخسارِ محمّدﷺ در اصل کشش ہے یہ فقط ارضِ حرم کی لے آیا تخیّل سرِ دربارِ محمّدﷺ سرمایۂ ایمان ہے جھولی میں گدا کی جنت کا خریدار ہے نادارِ محمّدﷺ صرف ایک مقامِ احدیّت کے علاوہ ہر رتبۂ عالی ہے سزاوارِ محمّدﷺ اختؔر یہ فقط فیضِ رضؔا، لطفِ ضیؔا ہے ہر شعر میں ہے رنگِ چمن زارِ محمّدﷺ ۔۔۔
مزید
یوسفِ حسنِ عین ذات صَلِّ عَلیٰ مُحَمَّدٍﷺ شمعِ تجلّئ صفات صَلِّ عَلیٰ مُحَمَّدٍﷺ مہر منیرِ برجِ ذات صَلِّ عَلیٰ مُحَمَّدٍﷺ آئینۂ تجلیات صَلِّ عَلیٰ مُحَمَّدٍﷺ وجہِ وجودِ کائنات صَلِّ عَلیٰ مُحَمَّدٍﷺ روحِ مدارجِ حیات صَلِّ عَلیٰ مُحَمَّدٍﷺ بابِ کرم درِ نجات صَلِّ عَلیٰ مُحَمَّدٍﷺ آپ کی چشمِ التفات صَلِّ عَلیٰ مُحَمَّدٍﷺ آپ سے شانِ کائنات، آپ ہیں جانِ کائنات آپ ہیں رشتۂ حیات صَلِّ عَلیٰ مُحَمَّدٍﷺ صبحِ نجات طلعتِ عارضِ تابناک ہے زلف ہے شامِ التفات صَلِّ عَلیٰ مُحَمَّدٍﷺ جلوۂ روئے پُرضیا مثردۂ روزِ عید ہے عکسِ جبیں ہے چاند رات صَلِّ عَلیٰ مُحَمَّدٍﷺ اختؔرِ بادہ کش کو دے جرعۂ بادۂ طہور شہد بلب ہے بات بات صَلِّ عَلیٰ مُحَمَّدٍﷺ ۔۔۔
مزید
من کہ گدائے تنگدست صَلِّ عَلیٰ مُحَمَّدٍﷺ توشۂ ہفت کشور است صَلِّ عَلیٰ مُحَمَّدٍﷺ ساقئی میکدہ بدست صَلِّ عَلیٰ مُحَمَّدٍﷺ جنبشِ یک نگاہ مست صَلِّ عَلیٰ مُحَمَّدٍﷺ نقطۂ عالِم وجود، دائرہ سازِ رازِ بُود عقدہ کشائے سرِّ ہست صَلِّ عَلیٰ مُحَمَّدٍﷺ وجہِ ظہورِ کن فکاں، نورِ منیرِ لامکاں مشعلِ محفلِ اَلَسْت صَلِّ عَلیٰ مُحَمَّدٍﷺ مظہرِ ذاتِ کبریا، عین جمالِ حق نما حاصلِ ہر کشور و بست صَلِّ عَلیٰ مُحَمَّدٍﷺ اِنس وملک بصد ادب، سربسجود برورت زیرِ قدم بلند و پست صَلِّ عَلیٰ مُحَمَّدٍﷺ کہفِ خراب و خستگاں، چارۂ دل شکستگاں بندہ نواز و سر پرست صَلِّ عَلیٰ مُحَمَّدٍﷺ بَر تو فدا ہزار جاں، قبلۂ جانِ عاشقاں کعبۂ ہر خدا پرست صَلِّ عَلیٰ مُحَمَّدٍﷺ چشمِ حیات آفریں، جانبِ اختؔر حزیں قلب زبارِ غم شکست صَلِّ عَلیٰ مُحَمَّدٍﷺ ۔۔۔
مزید
ہشیار باش اے نگہِ مصطفیٰﷺ پسند تو اور سوالِ دید ’’جمالِ خدا پسند‘‘ باغِ جناں، نہ گلشنِ فردوس ناپسند لیکن مجھے ہے کوئے نبیﷺ کی فضا پسند پایا جہاں سے اس نے خطابِ خدا پسند جس کو مرے حضورﷺ نے فرما لیا پسند کلیوں کا زمزمہ نہ گُلوں کی نوا پسند ہے گوشِ دل کو نغمۂ سازِ بلٰی پسند تاروں کو شکل دی تِرے دندانِ پاک کی حق کو ہیں کس قدر یہ دُرِ بے بہا پسند بستر چٹائی، دوش پہ کمبل، غذا کھجور اے تاجدار! یہ تِری شانِ گدا پسند ہے ربط اضطرابِ فراقِ حبیبﷺ سے مجھ کو تو ہے مِرا دل درد آشنا پسند آئینہ قَدْ نَریٰ ہے رُخِ نازِ شاہ کا کعبہ نشانِ حُسن ادائے خدا پسند اختؔر ازل سے حلقہ بگوشِ حضورﷺ ہوں قسمت سے آگیا درِ حامؔد رضا پسند ۔۔۔
مزید
خوش آمدید