میرے مالک اے خدائے ذوالجلال

لا شریک وبے نظیر و بے مثال

تیری رحمت ہے محیط ِ دو جہاں

سر خرو تجھ سے ہر ایک دستِ سوال

اوَّل و آخر ترا نور ِ قدیم،

ظاہر و باطن ہے تیرا ہی جمال

توُ جسے چاہے اسے بخشے دوام

ہے فنا سب کے لئے تو لا زوال

فضل ہو جائے جو تیرا دستگیر

ذرۂِ ناچیز ہو بدرِ کمال

بڑھتی ہیں جس وقت نا امیدیاں

آسرا دیتا ہے بس تیرا خیال

ادر ہر سطوت کی قسمت ہے فنا

ہے دوامی تیرا یہی جاہ و جلال

بندگی بن جائے خاؔلد کا شعار

حال بن جائے مرا ہر قیل و قال