ملا ہے عشق محمد سے یہ وقار مجھے

کہ اب گدا نظر آتے ہیں شہر یار مجھے

یہاں خیال ہےمیرا نہ دل نہ دل کا قرار

بلا ہی لیجئے آقائے نامدار مجھے

جہاں کہیں مری گر داب میں گھری کشتی

حضور ہی کےکرم نے کیا ہے پار مجھے

شعار جس کا کریمی ہے دونوں عالم میں

خوشا نصیب ملا ایسا غمگسار مجھے

گماں گزرتا ہےجیسے ہوں خود مدینے میں

جو یاد آتا ہے سرکار کا دیار مجھے

میں اک نظر پہ تصدق کروں دو عالم کو

قسم خدا کی خدا دے جو اختیار مجھے

چھپا لیا تری رحمت نے اپنے دامن میں

جو دیکھا اپنی خطاؤں پہ شرم سار مجھے

جہاں پناہ جہاں ہے پناہ خاؔلد کو

دکھائی دیتا ہے بس آپ کا دیار مجھے