منقبت

﷝ سیدہ فاطمہ زھرا 

راحتِ مصطفیٰﷺ سیدہ فاطمہ﷝
فرحتِ مرتضیٰ﷜ سیدہ فاطمہ﷝
قابل اقتداء ان کا ہر اک عمل
مشعل و رہنما سیدہ فاطمہ﷝
بنت محبوبِ رب جانِ ختمِ رسلﷺ
رفعتوں کی رِدا سیدہ فاطمہ﷝
مصطفیٰﷺ نے کہا حُور فردوس ہیں
باحیا باصفا سیدہ فاطمہ﷝
دھوم عالم میں ہے ان کی تسبیح کی
گویا مشکل کشا سیدہ فاطمہ﷝
روز محشر جب ان کی سواری چلی
ہر طرف تھی ندا سیدہ فاطمہ﷝
میرے حسنین﷠ کو کچھ نہ کچھ ہو عطا
تھا یہ ہی مدعا سیدہ فاطمہ﷝
جو ہیں مشکل کشا اور شیر خدا
آپ پر تھے فدا سیدہ فاطمہ﷝
حافؔظ بے نَوا کو عطا کیجئے
آپ کا ہے گدا سیدہ فاطمہ﷝
۲۶ صفر الخیر ۱۴۳۸ھ ۲۷ نومبر ۲۰۱۶ء