میں نے مر کے حیات پائی ہے

تیری آمد ہے موت آئی ہے
جان عیسیٰ تری دہائی ہے

کیوں وطن اپنا چھوڑ آئی ہے
کیوں سفر کی مصیبت اٹھائی ہے

سیکڑوں آفتوں میں پھنسنے کو
کیوں بدن میں یہ جان آئ ہے

ان کے جلوے ہیں میری آنکھوں میں
اچھی ساعت سے موت آئی ہیں

تم کو دیکھا تو دم میں دم آیا
آپ آئے کہ جان آئی ہے

مر رہا تھا تم آئے جی اٹھا
موت کیا آئی جان آئی ہے

اب تو آؤ کہ دم لبوں پر ہے
چہرے پر مردنی بھی چھائی ہے

آیئے وقت ہے یہ آنے کا
دیکھ لیں سب کی جاں پھر آئی ہے

زندگی میں نے پائی مر مر کے
میں نے جی جی کے موت پائی ہے

زندگی کیا تھی جس میں موت آئی
زندگی بعد مرگ پائی ہے

موت کا اب نہیں ذرا کھٹکا
زندگی شبھ گھڑی سے پائی ہے

مرتے ہی زندگی ملی مجھ کو
موت کے ساتھ جان آئی ہے

حسرت دید یار میں ہم نے
آج مرمر کے موت پائی ہے

جو حسیں دیکھا مر مٹا اس پر
میں نے مر کے حیات پائی ہے

چین کی نیند آج سویا ہوں
موت آرام کی سلائی ہے

شامتوں نے تمہاری گھیرا ہے
موت تم کو یہاں پہ لائی ہے

ذبح کر ڈالا تو نے او ظالم
نفس تو تو نرا قصائی ہے

طاعت حق کا نام سنتے ہی
تجھ کو کم بخت موت آئی ہے

معصیت زہر ہے مگر اوندھے
تو نے سمجھا اسے مٹھائی ہے

کیا بگاڑا تھا تیرا کیوں بگڑا
زہر کی پیالی کیوں پلائی ہے

اچھے جو کام کرنے ہیں کرلو
جان اپنی نہیں پرائی ہے تو ناری

نوریؔ ہر گز نہیں ہے
موت اسلام تو نے پائی ہے

واہ کیا بات آپ کی نوریؔ
کیا ہی اچھی غزل سنائی ہے

سامانِ بخشش