یہ زندگی کا الہٰی نظام ہو جائے

سحر ہو مکہ میں طیبہ میں شام ہو جائے

ہوں دور دور سے ہی میرا کام ہو جائے

ادن سے سر کو جھکا لوں سلام ہو جائے

اس التفات کے قابل غلام ہو جائے

جہاں قیام ہے ان کا قیام ہو جائے

نظر اٹھے تو نظر آئیں آپ کے جلوے

مرے سکوں کا یہ اہتمام ہو جائے

جو التفات نہ ہو رحمت ِ مجسم کا،

نہ جائے کیا خلش ِ نا تمام ہو جائے

اگر بال کے دکھا دیں جمال بھی اپنا

تمام ہجر کا قصہ تمام ہو جائے

اگر وہ دامن رحمت انہیں میسر ہو

ان آنسوؤں کا مرتب نظام ہو جائے

بغیر عشق محمد یہ زندگی کیا ہے

خدا گواہ عبادت حرام ہوجائے

ملے جو مہر ِ رسالت کے حسن کا صدقہ

حقیر ذرہ بھی مساہِ تمام ہو جائے

حضور آپ ہیں وہ نکتہ عروج ِ کمال

نبوتوں کا جہاں اختتام ہو جائے

وہ سر جھکائے گا اتنا ہی ان کی چوکھٹ پر

بلند جس کا جہاں تک مقام ہو جائے

مری نظر میں وسیلوں کی قدرو قیمت ہے

کسی کا نام بھی میرا کام ہو جائے

جو آنکھ بخشی تو دیدار کا شرف بخشیں

یہ التفات بھی خیر الانام ہو جائے

اگر خلوص ملے ذوق ِ نعت گوئی کو

مری نجات کا باعث کلام ہو جائے

نہ دیکھ زادِ سفر کی کمی کو اے خاؔلد

کرم ہو ان کا تو سب انتظام ہو جائے