یہ میری خوبیِ قسمت
مجھے جس سے محبّت ہے
محبّت نام ہی سے اُس ستم گر کو عداوت ہے
نہ تم میرے ہوئے نہ ہو سکو گے یہ قیامت ہے
یہ سب کچھ جانتا ہوں کیا کروں تم سے محبّت ہے
تسلّی سے ذرا بیٹھو کہ اب ہنگامِ رُخصت
ہے
لو اب ہم جارہے ہیں اب تمھیں فرصت ہی فرصت ہے
نہ اب ہم تم کو چھیڑیں گے نہ اب تم
کو ستائیں گے
نہ اب تم کہہ سکو گے کیا بُری یہ تیری عادت ہے
تِرے عارض مِرے گُل ہیں مِری کلیاں
تِرے لب ہیں
مِرے پہلو میں تو کب ہے مِرے پہلو میں جنّت
ہے
تِری آنکھوں سے پی کر جامِ اُلفت
مست و بے خود ہوں
میں جس
دنیا میں رہتا ہوں اُسی کا نام جنّت ہے
یہ دنیا پوچھتی ہے نام تیرا لے نہیں سکتا
مگر اِتنا بتا دوں گا اگر تیری اجازت ہے
مِرے محبوب کی پہچان کو اتنا ہی
کافی ہے
حسینانِ جہاں میں کب کسی کی ایسی صورت ہے
غزالی آنکھ گورا رنگ اور مہتاب سا چہرہ
تو
اس کے گیسوؤں سے بھی لجائی شب کی ظلمت ہے
لہو سے اپنے سینچا تھا صَنادِل نے
گلستاں کو
اُنھیں کو اب گلستاں میں سکوں ہے اور نہ راحت
ہے
گلوں کو روند کر بلبل سے یہ صیاد
کہتا ہے
یہ تیرے خوں کی قیمت ہے یہ تیرے خوں کی قیمت ہے
ہزاروں بار اپنا خون دیکھا اُن کے دامن پر
مگر ہر بار ہم سمجھے اُنھیں ہم سے محبّت ہے
تمھی سے تھا کبھی سرسبز
اور شاداب یہ ریحاؔں
نظر تم نے جو بدلی ہے تو ریحؔاں کی یہ حالت ہے
خوش آمدید