آپ کا اسم گرامی حسن تھا۔ ایک اور قول کے مطابق احمد بن محمد بن اسماعیل بن حفص تھا ہرات کے قریب ایک موضع مالین میں پیدا ہوئے۔ علوم فقہ۔ حدیث اور تفسیر میں یگانہ روزگار تھے۔ علوم طریقت اور حقیقت میں آپ نے اکنافِ عالم کی سیر کی۔ بہت سے مشائخ کی صحبت سے فیض پاتے رہے۔ آپ کی وفات بھی ۴۱۲ھ میں ہوئی تھی۔ رفت چوں سعید از عالم حق طلب قطب بو سعید بگو ۴۱۲ھ   سالِ تاریخ آن شہ دینی ہم حسن بُو سعید مالینی (خزینۃ الاصفیاء)۔۔۔

  مورخین نے حضرت سبکتگین کے حالات لکھتے ہوئے لکھا ہے کہ سبکتگین ترک زادہ تھا اور ایران سے تعلق رکھتا تھا حوادث زمانہ نے آپ کو غربت کا شکار بنادیا الپتیگن بادشاہ نے آپ کو خرید لیا اور کچھ عرصہ زیر تربیت رکھ کر اعلیٰ فرائض کی بجا آوری پر مامور کردیا، اسحاق بن الپتگین کی وفات کے وقت اس کا کوئی وارث جانشینی کے قابل نہیں تھا، سبکتگین کا نکاح الپتیگن کی لڑکی سے ہوگیا تھا اس طرح بادشاہ کے داماد کی حیثیت سے تخت نشین ہوگیا تفاقاً پہلے سال ہی ہندوستان پر حملہ آور ہوا، راجہ جیپال نے لاہور میں مقابلہ کیا مگر شکست کھاگیا، لاہور فتح کرنے کے بعد ملتان کو فتح کیا بہت سا مالِ غنیمت فوج میں تقسیم کیا دوسری بار جب حملہ کرنے کا ارادہ کیا تو راجۂ لاہور غزنی میں پہنچا اور خراج دنیا قبول کرلیا۔ راجہ جیپال کچھ عرصہ کے بعد مقابلہ میں اتر آیا ہندوستان کے دوسرے راجے بھی اس کے ساتھ مل گئے سخت لڑائی ہوئی، مگر سب ۔۔۔

  آپ کا اسم گرامی محمد بن احمد بن اسماعیل بن سمعون تھا، مشائخ میں ناطق کے خطاب سے مشہور تھے اور ابن سمعون سے شہرت رکھتے تھے، آ پ حضرت شیخ شبلی کے ہمعصر تھے اور بغداد کے مقتدر مشائخ میں مانے جاتے تھے۔ ایک دن آپ مسجد میں وعظ فرما رہے تھے ایک درویش آپ کے منبر کے پایہ کے ساتھ بیٹھا تھا سو گیا آپ بھی وعظ کرنے سے رک گئے درویش بیدار ہوا  تو آپ نے اسے مخاطب کرتے ہوئے کہا ’’تم خواب میں رسول خدا کی زیارت سے مشرف ہوئے ہو، میں بھی اوباً وعظ بیان کرنے سے خاموش ہوگیا تھا، جب تک تمہاری خواب مکمل نہیں ہوتی، میں خاموش رہا ہوں۔ آپ کی ولادت ۳۰۰ھ میں ہوئی تھی، اور وصال بروز جمعہ ۱۵ ذیقعدہ یا ذوالحجہ ۳۸۶ھ میں ہوا۔ وفات کے بعد آپ کو کسی وجہ سے اپنے ہی گھر میں دفن کردیا گیا ۳۹ سال بعد لوگوں نے آپ کو قبرستان میں دفن کرنا چاہا قبر کھودی گئی تو آپ کا کفن اور جسم اسی طرح تازہ اور صحت مند تھا گو۔۔۔

ابو بکر بن علی بن محمد حداوی مصری[1]: عالم عامل،فاضل اکمل،مفسر، فقیہ،عابد،زاہد،صاحبِ کرامات تھے،ہر روز پندرہ سبق پڑھا کرتے تھے،تصنیفات کثرت سے کیں جن میں سے تفسیر کشف التنزیل دو مجلد ضخیم،جو ہرۃ النیرہ شرح مختصر القدوری چار مجلد،سراج الوہاج شرح مختصر القدوری آٹھ مجلد وغیرہ مشہور و معروف ہیں۔وفات آپ کی ۸۰۰؁ھ میں ہوئی۔’’سعادتِ دارین تاریخ وفات ہے۔   1۔ رضی الدین ابو بکر بن علی بن محمد العبادی۔ الحداد،ولادت ۷۲۰؁ھ ’’دستور الانام‘‘ زبیدی لمبی ’’معجم المؤلفین‘‘ (مرتب)  حدائق الحنفیہ۔۔۔

  آپ کا نام عبداللہ بن علی طوسی تھا، فقیر لقب تھا، علوم شریعت، طریقت میں کامل و اکمل تھے، ریاضات و مجاہدات میں اپنا ثانی نہیں رکھتے تھے آپ کی قابلِ قدر تصانیف آپ کی لیاقت علمی اور روحانی کی آئینہ دار ہیں، کتاب لمعہ نے تو خصوصی طور پر تصوف میں اپنا مقام پیدا کیا، آپ شیخ ابو محمد مرتعش﷫ سے نسبت روحانی رکھتے تھے۔ شیخ ابونصر جب بغداد میں وارد ہوئے تو ماہ رمضان تھا، آپ مسجد شونیزیہ میں گوشہ گزین ہوگئے اور درویشوں کی امامت آپ کے حوالے ہوگئی، ہر رات نماز تراویح میں پانچ قرآن شریف ختم کیا کرتے تھے، آپ کا خادم رات کو ایک جَو کی روٹی پکالاتا اور آپ افطاری فرماتے، عید کے دن آپ نے امامت فرمائی، لوگوں نے دیکھا کہ آپ کے حجرے میں تیس روٹیاں جوں کی توں پڑی ہوئی تھیں۔  شیخ ابو نصر جب بغداد میں وارد ہوئے تو ماہ رمضان تھا، آپ مسجد شونیزیہ میں گوشہ گزین ہوگئے اور درویشوں کی امامت آپ کے حوالے ہوگئی ہ۔۔۔