ابن عویم بن ساعدہ انصاری۔ ان کا نسب ان کے والد کے نام میں ذکر کیاجائے گا ان کا شمار اہل مدینہ میں ہے۔ان کے نام میں اختلاف ہے۔محمد بن عبادہ نےعبدالرحمٰن بن سالم بن عبداللہ بن عویم بن ساعدہ سے انھوں نے اپنے والد سے انھوں نے ان کے دادا سے روایت کی ہے کہ نبی صلی اللہ علیہ وسلم نے فرمایااللہ عزوجل نے مجھے اپنی تمام مخلوق سے منتخب کیا اور میرے لیے اصحاب منتخب کیے ان میں سے میرے وزیر و انصار بنائے پس جو شخص میرے اصحاب کو براکہے اس پر اللہ کی اور فرشتوں کی اور تمام آدمیوں کی لعنت ہے۔اس حدیث کو جماعت محدثین نے محمد بن طلحہ سے انھوں نے عبدالرحمٰن بن سالم بن عبدالرحمٰن بن عویم بن ساعدہ سے انھوں نے اپنے والدسے انھوں نے ان کے دادا سے روایت کیاہے اور یہی صحیح ہے ان کا تذکرہ ابن مندہ اور ابونعیم نےلکھاہے۔۔۔۔

بن عبد اللہ بن سلام: ان کا نسب ہم ان کے والد کے ترجمے میں بیان کر آئے ہیں۔ مدنی ہیں حضور صلی اللہ علیہ وسلم کے عہد میں پیدا ہوئے۔ آپ صلی اللہ علیہ وسلم نے انہیں اپنی گود میں بٹھایا، سر پر ہاتھ پھیرا اور یوسف نام رکھا بقول واقدی، ابو یعقوب کنیت تھی۔ حضور صلی اللہ علیہ وسلم سے کئی احادیث روایت کیں۔ ان سے محمد بن منکدر وغیرہ نے روایت کی۔ ان سے مروی ہے، کہ آپ صلی اللہ علیہ وسلم نے روٹی کا ٹکڑا لے کر اس پر کھجور رکھی، فرمایا، یہ اس کا سالن ہے۔ دونوں کو تناول فرمایا۔ تینوں نے اس کا ذکر کیا ہے۔ ۔۔۔

بن شداد لازدی: بہ قول ابن مندہ اور ابو نعیم نامعلوم آدمی ہیں۔ ابو یاسر نے باسنادہ عبد اللہ بن احمد سے، انہوں نے ابو موسیٰ عنزی سے، انہوں نے محمد بن عثمہ سے۔ انہون نے سعید بن بشیر سے انہوں نے قتادہ سے، انہوں نے ابو قلابہ سے، انہوں نے ابو الشعشاء سے، انہوں نے یونس بن شداد سے روایت کی، کہ حضور صلی اللہ علیہ وسلم نے ایامِ تشریق کے روزے سے منع فرمایا۔ تینوں نے ذکر کیا ہے۔ ۔۔۔

بن یزید عمرو التمیمی اور ایک روایت میں نمیری آیا ہے۔ حضور اکرم صلی اللہ علیہ وسلم کی خدمت میں قیس بن عاصم تمیمی اور ان کے رفقا کے ساتھ حضور صلی اللہ علیہ وسلم کی خدمت میں حاضر ہوئے۔ ان سے عائذ بن ربیعہ نے روایت کی۔ قیس بن حفص نے، ولہم بن وہیم العجلی سے، انہوں نے عائذ بن ربیعہ سے روایت کی، کہ انہیں قرہ بن دعموص، قیس بن عاصم، ابو زہیر بن اسید بن جعونہ بن حارث، یزید بن عمرو اور حارث بن شریح نے بتایا کہ ہم حضور صلی اللہ علیہ وسلم کی خدمت میں حاضر ہوئے، اور دریافت کیا، کہ آپ کس بات کا عہد لیتے ہیں، فرمایا: نماز قائم کرو گے، زکات ادا کرو گے، حج کرو گے اور ماہِ رمضان کے روزے رکھو گے جس میں ایک رات ہزار مہینوں سے بہتر ہے ابو عمر نے اس کا ذکر کیا ہے۔ ۔۔۔

بن عمرو: میمون بن مہران سے مروی ہے، کہ عبد اللہ نے میرے پاس ایک آدمی کو ام المومنین میمونہ اور حضور کے نکاح کے بارے میں دریافت کرنے کے لیے روانہ کیا۔ انہوں نے جواب دیا، کہ حضور اکرم صلی اللہ علیہ وسلم نے ان سے بہ مقامِ سرف حسبِ شریعت نکاح کیا، اور وہیں حضور صلی اللہ علیہ وسلم نے ان سے حسبِ دین زفاف کیا۔ اور اس چھجے کے نیچے قبر انہی کی ہے۔ ابو موسیٰ نے ان کا ذکر کیا ہے۔ ابن اثیر لکھتے ہیں۔ کہ اس یزید سے مراد ابن اصم یعنی یزید بن عبد عمر بن عدیس عامری ہے اور ابن مندہ نے ان کا ذکر یزید بن اصم کے ترجمے میں کیا ہے۔ اس بنا پر ابو موسیٰ کو ان کا ذکر یہاں نہیں کرنا چاہیے تھا کیونکہ ان کی شہرت ابن اصم سے ہے۔ ۔۔۔