ان کا نسب مذکور نہیں سالم بن قیتبہ نے قزعہ سے انہوں نے عبد الملک بن عبید سے انہوں نے مضر سے، انہوں نے نمیلہ سے سنا کہ رسولِ اکرم صلی اللہ علیہ وسلم نے اپنے سینے کی طرف اشارہ کرکے فرمایا اسی مقام مں ایمان ہوتا ہے اور اسی میں نفاق اور منافق اللہ کو بہت تھوڑا یاد کرتا ہے ابو موسیٰ نے اس کا ذکر کیا ہے۔ ۔۔۔

ابو موسیٰ نے ان کا ذکر کیا ہے ان کا خٰال ہے کہ یہ صاحب پیشتر مذکور آدمی سے مختلف ہیں ایک روایت کے مطابق ابو موسیٰ نے ان کا نسب یوں لکھا ہے نمیلہ بن عبد اللہ بن سحیم بن حزن بن سیار بن عبد اللہ بن کلب بن عوف بن کعب بن یسث، انہوں نے باسنادہ علمہ سے انہوں نے ابن اسحاق سے روایت کی کہ مقیش بن صبابہ کو نمیلہ بن عبد اللہ نے جو ان کا ہم قوم تھا قتل کیا تھا۔ کیونکہ حضور اکرم صلی اللہ علیہ وسلم نے مقیش کے قتل کا اس لیے حکم دیا تھا کہ اس نے ایک انصاری کو قتل کردیا تھا جس سے اس کا بھائی غلطی سے قتل ہوگیا تھا اور پھر وہ مرتد ہوکر کفارِ قریش کے پاس چلا گیا تھا اس پر مقیش کی بہن نے ذیل کے اشعار کہے: العمری لقد اخزی نمیلۃ رہطہ ۔۔۔

بن عبد اللہ بن محصن بن حرثان: ہم ان کا نسب عکاشہ بن محصن اسدی کے ترجمے میں لکھ آئے ہیں وہ ان کے چچا تھے۔ ان کی کنیت ابو سنان تھی کہتے ہیں یہ پہلے آدمی ہیں جنہوں نے حضور اکرم صلی اللہ علیہ وسلم سے بیعتِ رضوان کی شعبی نے بنو اس کے ایک آدمی سے کہا کہ جس شخص نے سب سے پہلے درخت کے نیچے بیعت کی، وہ تمہارے قبیلے کا آدمی تھا۔ وہ آدمی حضور صلی اللہ علیہ وسلم کی خدمت میں حاضر ہوا اور کہنے لگا یا رسول اللہ! میں آپ سے بیعت کرنا چاہتا ہوں۔ حضور صلی اللہ علیہ وسلم نے دریافت فرمایا، کس بات پر؟ اس نے عرض کیا جو بات آپ کے دل میں ہے۔ آپ صلی اللہ علیہ وسلم نے پوچھا میرے دل میں کیا ہے؟ اس نے کہا فتح یا شہادت اس پر ابو سنان نے بیعت کی اس کے بعد جو بھی آتا۔ وہ یہی کہتا ک میں کبھی ابو سنان کی بیعت پر آپ سے بیعت کرتا ہوں ابن مندہ اور ابو نعیم نے ان کا ذکر کیا ہے۔۔۔۔

بن اساف بن عدی بن زید بن عمرو بن زید بن حبشم بن حارثہ بن حارث بن خزرج بن عمرو بن مالک بن اوس انصاری اوسی حارثی ایک روایت میں اساف بن نہیک آیا ہے ایک اور روایت کے رو سے دونو روایتوں میں اساف کی جگہ لسیاف آیا ہے۔ رافع بن خدیج نے اپنے چچا ظہیر بن رافع دونوں کو حضور اکرم صلی اللہ علیہ وسلم کی صحبت نصیب ہوئی، سے روایت کی انہوں نے کہا ہے میرے بھتیجے! حضور صلی اللہ علیہ وسلم نے ہمیں حکم دیا تمہیں چاہیے کہ اللہ اور رسول کی رضا کی خاطر ایسے امور سے دست بردار ہوجاؤ۔ جنہیں تم اپنے لیے مفید خیال کرتے ہو چنانچہ آپ صلی اللہ علیہ وسلم نے ہمیں مزارعت سے منع فرمایا اس لیے ہم اپنی چیزیں نقصان پر بیچتے تھے بنو سلیم کے ایک آدمی نے جس کا نام اساف بن ایمار تھا ذیل کا شعر کہا۔ لعل ضراراً ان تبید دیار۔۔۔

والد عثمان بن وہب: بہ قول جعفران کی صحبت کا احتمال ہےان کے بیٹے عثمان سے مروی ہے کہ ایک دن بعد ازنماز صبح حضور اکرم صلی اللہ علیہ وسلم نے دریافت فرمایا، کیا فلاں قبیلے کا کوئی آدمی موجود ہے، کوئی نہ اٹھا، تو آپ نے پھر دریافت فرمایا۔ اس پر ایک آدمی اٹھا۔ حضور صلی اللہ علیہ وسلم نے دریافت فرمایا تم پہلی دفعہ کیوں نہیں اٹھے تھے، اس نے جواب دیا مجھے خطرہ پیدا ہوگیا تھا مبادا ہمارے بارے میں کوئی تنبیہ نازل ہوئی ہو آپ نے فرمایا نہیں معاملہ یہ ہے کہ کل جو آدمی تمہارے قبیلے کا فوت ہوا تھا۔ چونکہ وہ مقروض تھا اس لیے اسے روک لیا گیا ہے۔ اگر ہوسکے، تو اپنے عزیز کو چھڑانے کی کوشش کرو ابو موسیٰ نے ذکر کیا ہے۔۔۔۔