اُمیمہ عبداللہ بن ابی بن سلول کی کنیز تھی، یحییٰ بن محمود اور ابو یاسر نے (باسناد ہما تا مسلم بن حجاج) ابو کامل ججدری سے،انہوں نے ابو عوانہ سے،ا نہوں نے اعمش سے،انہوں نے ابو سفیان سے، انہوں نے جابر سے روایت کی،کہ عبداللہ بن ابی کے پاس دو لونڈیاں تھیں،مسیکہ اور امیمہ،وہ ان دونوں کو زنا پر مجبور کرتا تھا،انہوں نے حضور صلی اللہ علیہ وآلہٖ وسلم سے شکایت کی تو یہ آیت اُتری۔ لَاتَکرَھُوافَتَیَاتِکُم عَلَی البِغَاءِ،تم اپنی لونڈیوں کو زنا پر مجبور مت کرو۔ ۔۔۔

اُمیمہ عبداللہ بن ابی بن سلول کی کنیز تھی، یحییٰ بن محمود اور ابو یاسر نے (باسناد ہما تا مسلم بن حجاج) ابو کامل ججدری سے،انہوں نے ابو عوانہ سے،ا نہوں نے اعمش سے،انہوں نے ابو سفیان سے، انہوں نے جابر سے روایت کی،کہ عبداللہ بن ابی کے پاس دو لونڈیاں تھیں،مسیکہ اور امیمہ،وہ ان دونوں کو زنا پر مجبور کرتا تھا،انہوں نے حضور صلی اللہ علیہ وآلہٖ وسلم سے شکایت کی تو یہ آیت اُتری۔ لَاتَکرَھُوافَتَیَاتِکُم عَلَی البِغَاءِ،تم اپنی لونڈیوں کو زنا پر مجبور مت کرو۔ ۔۔۔

اُمیمہ دختر بشر از بنو عمرو بن عوف، عبداللہ بن سہل کی والدہ اور سہل بن حنیف کی زوجہ تھیں،پہلے وہ حسان بن وحداحہ کی بیوی تھیں،بھاگ آ ئیں ،اسلام قبول کرلیا، اور آپ نے سہل بن حنیف کی زوجیت میں دے دیا، چنانچہ یہ آیت ان کے بارے میں نازل ہوئی۔ "یَاَیُّھَاالَّذِینَ اٰمَنُوااِذَاجَاءَکُمُ المئومِنَاتٍ مُھَاجِرَاتٍ"ابن وہب نے ابن لہیعہ سے اور انہوں نے یزید بن ابی حبیب سے روایت کیا کہ یہ خبر ان تک پہنچی ہے،ابن مندہ اور ابو نعیم نے ان کا ذکرکیا ہے۔ ابن اثیر لکھتے ہیں،کہ مجھے اس آیت کا شانِ نزول درست نہیں معلوم ہوتا،کیونکہ بنو عمرو بن عوف انصار سے ہیں اور مدنی ہیں،اس لئے یہ حدیث ایک مدنی عورت کے بارے میں کیسے نازل ہو سکتی ہے،بلکہ اس کا نزول ان عورتوں کے بارے میں ہے،جو بعد از صلحِ حدیبیہ ہجرت کر کے مدینے آگئی تھیں،مثلاً ام کلثوم دخترِ عقبہ بن ابو معیط وغیرہ ،ہم ام۔۔۔

اُمیمہ دختر حارث ،زوجۂ عبدالرحمٰن بن زبیر،عبدالرحمٰن نے انہیں تین طلاقیں دے دیں ، جس کے بعد رفاعہ نے بھی انہیں طلاق دے دی،اس پر وہ حضور اکرم صلی اللہ علیہ وسلم کی خدمت میں حاضر ہوئیں،اور عبدالرحمٰن سے نکاح کی اجازت مانگی،آپ نے پوچھا کیا وہ تجھے واپس لینے کو تیار ہے،امیمہ نے جواب دیا،وہ تو اسے کپڑے کا ایک ٹکڑا گردانتا ہے،حضور نے فرمایا،تاکہ تو اس سے لُطف اندوز ہو، اور وہ تجھ سے، ابو صالح نے اسے ابن عباس سے روایت کیا،ابن مندہ اور ابو نعیم نے ذکر کیا ہے۔ ۔۔۔

اُمیمہ دختر خلف بن اسعد بن عامر بن بیاضہ بن سبیع بن جعثمہ بن سعد بن ملیح بن عمرو بن ربیعہ خزاعیہ،یہ خاتون طلحہ بن عبداللہ بن خلف کی پھوپھی تھیں،جنہیں طلحتہ الطلحات کا لقب حاصل تھا،جناب امیمہ خالد بن سعید بن عاص کی زوجہ تھیں،جو ہجرت کر کے خاوند کے ساتھ حبشہ چلی گئی تھیں،بقولِ ابن اسحاق ان کا نام امینہ تھا،ایک روایت میں ہمینہ مذکور ہے،حبشہ میں ان کے بطن سے ایک لڑکا خالد نامی اور ایک لڑکی امہ پیدا ہوئی،تینوں نے ان کا ذکر کیا ہے،لیکن ابنِ مندہ نے لڑکی کا نام امیمہ دختر خالد لکھا ہے،جو غلط ہے اور پہلی روایت صحیح ہے، واللہ اعلم۔ ۔۔۔