کبیرہ دخترِسفیان ،ایک روایت میں دختر ابوسفیان خزاعیہ یا ثقفیہ ہے،انہوں نے حضورِاکرم کا زمانہ پایا،اور آپ سے روایت کی ،ان سے ان کے مولی ابو ورقہ بن سعید نے روایت کی،ایک روایت میں ہےکہ انہوں نے جاہلیت کا زمانہ بھی پایا،اور آپ سے اسلام پر بیعت کی،انہوں نے حضورِ اکرم کی خدمت میں عرض کی،یارسول اللہ ،میں نے زمانہ جاہلیت میں چار بچوں کو زندہ دفن کیا تھا،فرمایا چار غلام آزاد کرو،انہوں نے حضورِ اکرم سے روایت کی،آپ نے فرمایا،کہ ایک سفید رنگ کی بکری کی قربانی دو سیاہ رنگ کی بکریوں کی قربانی سے بہتر ہے۔ تینوں نے ان کا ذکر کیا ہے،ابو موسیٰ نے ان کا نام کبیرہ لکھاہے،لیکن ابن مندہ اور ابونعیم نے کثیرہ تحریر کیا ہے،ابوعمر اور ابنِ ماکولا نے بھی باسے،اور ابوعبداللہ یعنی ابن مندہ نے ثا سے لکھاہے۔ ۔۔۔

کبیشہ دختر مالک بن قیس بن محرث انصاریہ،از بنو مازن،بقولِ ابنِ حبیب حضور سے بیعت کی۔ ۔۔۔

کبشہ انصاریہ جو عبدالرحمٰن بن ابو عمرہ کی دادی تھیں،ایک روایت میں کبشہ مذکور ہے،ان کا عرف برصاء تھا،اور نسب مذکور نہیں،لیکن ابوعمرو نے نسب بیان کیا ہے،کبشہ دختر ثابت بن منذر بن حرام ہمشیرۂ حسان بن ثابت،احمد بن زبیر نے اپنے والد سے روایت کی ،کہ یہ خاتون بنومالک بن نجار سے تھیں سے ابراہیم بن محمدبن مہران وغیرہ نے باسنادہم تا محمد بن عیسیٰ ابن ِ ابی عمر سے،انہوں نے سفیان سے،انہوں نے یزید بن یزید سے،انہوں نے جابر بن عبدالرحمٰن بن ابی عمرہ سے،انہوں نے اپنی دادی کبشہ سے روایت کی کہ میں حضورِاکرم کی خدمت میں حاضر ہوئی،میں نے دیکھا،کہ حضورِاکرم نے اُٹھ کر ایک مشکیزے سے جو لٹک رہاتھا،منہ لگاکر پانی پیا،اس کے بعد میں نے اٹھ کراس کا منہ بند کردیا،یہ یزید بن یزید عبدالرحمٰن بن یزید کا بھائی ہے،جو بھائی سے پہلے فوت ہوا،تینوں نے ذکر کیا ہے۔ ۔۔۔

کبشہ دختر عبدعمرو بن عبید بن قیمئہ بن عامر بن خزرج انصاریہ،از بنوساعدہ ،بقول ابنِ حبیب حضورِ اکرم صلی اللہ علیہ وآلہٖ وسلم سے بیعت کی۔ ۔۔۔

ماریہ قبطیہ حضور اکرم کی مولی،سریہ اور آپ کے صاحبزادے ابراہیم کی ام ولد تھیں،حاکم اسکندریہ مقوقس نے ماریہ اور سیرین دو بہنیں ،ایک خصی غلام مابور،ایک خچرشہاءاور ایک ریشمی حلہ بطور ہدیہ روانہ کیا تھا،بقولِ محمد بن اسحاق مقوقس نے آپ کو چار کنیزیں روانہ کی تھیں،جس میں ایک ماریہ ام ابراہیم تھیں،اور دوسری سرین جو حضور نبیِ کریم نے حسان بن ثابت کو دے دی تھی، ان کے ساتھ جو غلام آیا تھا،اس کا نام مابور تھا،اسے جناب ماریہ سے متہم کیا گیا،تو آپ نے حضرت علی کو حکم دیا کہ مابور کوقتل کردو،حضرت علی رضی اللہ عنہ نے گزارش کی ،یا رسول اللہ ،گرم لوہے کی طرح یا اس شاہد کی طرح جو ایک کو دیکھتا ہے،جسے غائب نہیں پاتا،آپ نے فرمایا،تم شاہد بننا، چنانچہ جب حضرت علی نے دیکھا تو اس کا ذَکر کٹاہواتھاجس کا ذِکر حضرت علی نے حضورِاکرم صلی اللہ علیہ وسلم سے کردیا۔ (نوٹ)یہ روایت اس لئے مخد۔۔۔