بسرہ دختر صفوان بن نوفل بن اسد بن عبدالعزی بن قصی بن کلاب،قرشیہ اسدیہ،یہ ابو عمر اور ابو نعیم کا قول ہے،مگر ابن مندہ نے ان کا نسب یوں لکھا ہے،بسرہ دختر صفوان بن امیہ بن محرث بن خُمل بن شق بن عامر بن ثعلبہ بن حارث بن مالک بن کنانہ، مگر سلسلہ اوّل درست ہے،ان کی والدہ کا نام سالمہ دخترِ امیہ بن حارثہ بن اوقص سلمیہ اور وہ ورقہ بن نوفل کی بھتیجی تھیں، اور عقبہ بن معیط کی ماں جائی بہن،اور جناب بسرہ مغیرہ بن ابوالعاص کی زوجہ تھیں،اور دو اولادیں ہوئیں،معاویہ اور عائشہ،آخر الذکر عبدالملک بن مروان کی والدہ تھیں اور ان سے ام کلثوم دختر عقبہ بن معیط،مروان بن حکم اور سعید بن مسیب وغیرہ نے روایت کی۔ کئی راویوں نے باسنادہم از محمد بن عیسیٰ،انہوں نے اسحاق بن منصور سے، انہوں نے یحییٰ بن سعید القطان سے،انہوں نے ہشام بن عروہ سے انہوں نے اپنے والد سے انہوں نے بسرہ سے روایت کی،حضور ۔۔۔

ضباعہ دختر عامر بن قرظ عامریہ،انہوں نے مکے میں اسلام قبول کیا،ابوموسیٰ نے اجازۃً ابوعلی سے، انہوں نےابو نعیم سے،انہوں نے محمد بن احمد سے،انہوں نے محمد بن عثمان بن ابو شیبہ سے،انہوں نے منجاب سے،انہوں نے عبداللہ بن اجلح سے،انہوں نے کلبی سے،انہوں نے عبدالرحمٰن عامری سے،انہوں نے اپنی قوم کے شیوخ سے،روایت کیا،کہ ہم عکاظ کے بازار میں تھے،کہ حضورِاکرم ہماے پاس آئے اور ہمیں اللہ کی نصرت اور اس کی حفاظت کی طرف بلایا،ہم نے آپ کی دعوت پر لبیک کہی،اتنے میں شجرہ بن فراس القشیری وہاں آگیا،اور اس نے حضورِاکرم کی اونٹنی کے پہلو میں نیزے کی انی چبھوئی جس پر وہ بھا گ کھڑی ہوئی اور آپ کو نیچے گرادیا،اس ضباعہ دخترقرظ مسلمان ہوگئی تھیں،وہاں موجود تھیں،جب اس نے یہ حالت دیکھی اور اپنے ابنائے عم بنوعامر کے پاس آئی اور کہنے لگی،اے آل عامر!تم میرے کس کام کے!تمہارے سامنے اللہ کے رسول ک۔۔۔

ضباعہ دختر زبیربن عبدالمطلب بن ہاشم قرشیہ،ہاشمیہ،حضورِاکرم صلی اللہ علیہ وسلم کی عمزاد اور مقداد بن عمرو کی زوجہ تھیں،انہوں نے عبداللہ اور کریمہ کو جنم دیا،اول الذکر جنگ جمل میں حضرت عائشہ رضی اللہ عنہاکے ساتھ تھے،اور وہاں مارے گئے تھے،ان سے ابنِ عباس،جابر،انس عائشہ ،عروہ اور اعرج نے روایت کی۔ اسماعیل بن علی وغیرہ نے باسنادہم تا محمد بن عیسیٰ،زیاد بن ایوب بغدادی سے،انہوں نے عباد بن عوام سے،انہوں نے ہلال بن حبان سے ،انہوں نے عکرمہ سے،انہوںے ابن عباس سے روایت کی،کہ ضباعہ دختر زبیر حضورِاکرم کی خدمت میں حاضر ہوئیں،اور عرض کیا،یا رسول اللہ میں حج کرنا چاہتی ہوں،کیامیں کوئی شرط لگاؤں،فرمایا،ہاں پوچھاکیسے؟فرمایا،یوں کہو۔ "لَبَّیک،اَلّٰھُمَّ لَبَّیک محلی مِنَ الارضِ حَیثُ تَجبَسنِی "،اے اللہ میں تیری خدمت میں حاضر ہوں،میں تیری خدمت میں حاضر ہوں،اپنے اس مقام سے جہاں تو۔۔۔

دقرہ ام وال اُذینہ،طبرانی نےان کا ذکر کیا ہے،ایک روایت کے مطابق انہیں صحبت نصیب ہوئی،لیکن ان سے کوئی روایت مذکور نہیں،جناب عائشہ سے روایت کی،ابو نعیم اور ابو موسیٰ نے مختصراً ان کا ذکر کیا ہے۔ ۔۔۔

آمنہ رضی اللہ عنہا دختر عفان بن ابوالعاص بن امیہ بن عبد شمس جو عثمان بن عفان رضی اللہ عنہ کی ہمشیرہ تھیں،فتح مکہ کے دن اسلام قبول کیا،جو سعد حلیف بنو مخزوم سے ان خواتین میں شامل تھیں، جوفتح مکہ کے موقعہ پرہندہ زوجہ ابو سفیان کے ساتھ اسلام لائی تھیں،جعفر نے ان کا ذکر کیا ہے، انہوں نے زاہد بن احمد سے،انہوں نے ابو لبابہ سے،انہوں نے عماد بن حسن سے،انہوں نے سلمہ بن فضل سے،انہوں نے ابن اسحاق سے روایٔت کی،ابو موسیٰ نے ان کا ذکر کیا ہے۔ ۔۔۔