ابومعن ،حضرمی نے انہیں صحابہ میں شمارکیاہے،ابوموسیٰ نے اذناًابوعلی سے،انہوں نے احمد بن عبداللہ سے،انہوں نے محمدبن محمدسے،انہوں نے محمد بن عبداللہ بن سلیمان سے،انہوں نے محمد بن عبدالعزیزبن ابورزمہ سے،انہوں نے علی بن حسن سے،انہوں نے ابوحمزہ سے،انہوں نے عاصم بن کلیب سے،انہوں نے سہیل بن ذراع سے روایت کی،کہ انہوں نے معن بن یزید سے سُنا، کہ انہوں نے معن کی زبانی سُنا،کہ حضورِاکرم صلی اللہ علیہ وسلم نے فرمایا،تم لوگ مسجد میں جمع ہو،اور جب سب لوگ آجائیں تومجھے بھی اطلاع دیان،جب صحابہ جمع ہوگئے توہم نے آپ کو اطلاع دی،حضورتشریف لائے،اورہمارے پاس آکر بیٹھ گئے،پھرہم میں سے ایک آدمی نے اُٹھ کر فصیح و بلیغ تقریر کی،جب وہ ختم کرچکا،توآپ نے فرمایا، ان من البیان لسحرا۔ ایک روایت میں ہے کہ عاصم بن کلیب نے محارب بن زیاد سے،انہوں نے سہ۔۔۔

ابومعبد جہنی،ان کا نام عبداللہ بن حکیم تھا،طبرانی نے انہیں صحابہ میں شمارکیاہے،اس کی سندابوموسیٰ ہیں،جوان سے متقدم ہیں،انہوں نے ابویحییٰ عبدالرحمٰن بن محمد بن مسلم رازی سے،انہوں نے حسن بن زبرقان کوفی سے،انہوں نے مطلب بن زیاد سے،انہوں نے ابن لیلیٰ سے،انہوں نے عیسیٰ سے روایت کی،کہ ہم ابومعبدسے ملنے گئے تاکہ ان کی عیادت کریں،ہم نے دریافت کیا،آیا آپ کوکچھ چاہیئے،انہوں نے کہا،اب تومیں لب مرگ ہوں،میں نے حضور اکرم کو فرماتے سنا،جس نے کبھی چیزچیزسے دل لگایا،وہ اس کا محتاج ہوگیا،اسی طرح طبرانی نے ذکرکیاہے، لیکن ان کا نام نہیں لیا۔ ابوعیسٰی ترمذی نے محمد بن مبرویہ سے،انہوں نے عبیداللہ سے،انہوں نے ابن ابولیلیٰ سے،انہوں نے عیسٰی سے روایت کی،کہ وہ ابومعبد عبداللہ بن عکیم الجہنی کی عیادت کو گئے،ابونعیم اورابوموسیٰ نے ان کاذکرکیاہے۔ ۔۔۔

ابومعقل انصاری،ابوموسیٰ کتابتہً حسن بن احمدسے،انہوں نے فضل بن محمدبن سعیدابونصرالمعدل سے،انہوں نے عبداللہ بن محمدابوالشیخ سے،انہوں نے اپنے ماموں ابومحمدعبدالرحمٰن بن محمود بن فرج سے،انہوں نے ابوسعیدعمارہ بن صفوان سے،انہوں نے محمد بن عبداللہ الراقی سے،انہوں نے یحییٰ بن زیادسے،انہوں نے موسیٰ بن وردان سے،انہوں نے الکلبی سے،انہوں نے ابوصالح سے، انہوں نے انس بن مالک سے روایت کی کہ ایک شخص جن کی کنیت ابومعقل انصاری تھی،سفرپرروانہ ہوئے،ان کے پاس بہت سامال تھا،جسے لے کرانہیں سارے علاقےمیں پھرناتھا، وہ اپنی پارسائی اورعبادت گزاری کی وجہ سے مشہورتھے،راہ میں انہیں ایک مسلح ڈاکو سے مڈھ بھیڑ ہوگئی،یہ قِصّہ بالتفصیل کتاب الوظائف کے باب صلوٰ ۃ المضطرمیں ابوموسیٰ کی زبانی مذکورہے۔ ڈاکونے ابومعقل سے کہا،اپنامال میرے حوالے کردو،میں تمہیں قتل ۔۔۔

ابومعقل بن نہیک بن اساف بن عدی بن زیدبن جثیم بن حارثہ،غزوۂ احدمیں ابومعقل اپنے بیٹے عبداللہ کے ساتھ موجود تھےابوعمرنے ان کا ذکرکیاہےاوران کے خیال کے مطابق یہ وہی صاحب ہیں جن سے ابوبکربن عبدالرحمٰن بن حارث نے روایت کی،یعنی ان کی مراد ابومعقل انصاری ہیں،جن کا ذکرگزرچکاہے۔ ۔۔۔

ابومعتب بن عمرواسلمی،محمدبن اسحاق نے اس شخص سے جس نے انہیں عطابن ابومروان سے،انہوں نےاپنےوالدسے،انہوں نے ابومعتب بن عمروسے روایت کی کہ جب حضورِاکرم خیبر پہنچے،آپ نے صحابہ سے جن میں مَیں بھی موجود تھا،فرمایا،آؤ،یہاں کھڑے ہوکرآسمانوں اورزمینوں ،شیطانوں اورآندھیوں کے خداسے دعاکریں کہ وہ اس قصبت اوراس کے باشندوں کو خیروعافیت سے رکھےاورشراوربربادی سے محفوظ رکھےتینوں نے ان کے ذکرکیاہے۔ ابوعمرنے اس نام کےلکھنے میں احتیاط سے کام لیاہے،انہوں نے ابومعتب،عین اوربأ سےلکھاہے، جب کہ اورلوگوں نے ابومغیث،غین اورثأ سےلکھاہے،امیرابونصرنے ابومُعتب لکھاہے،بقولِ طبری،یہ ابومروان معتب بن عمرواسلمی ہیں،واقدی نے ان کی کنیت ابومُعَتِّب درج کی ہے، تینوں نے ذکرکیاہے۔ ۔۔۔