سراپا وہ صَلِّ عَلٰی آپ کا تھا کہ ہر عضو حُسنِ تجلّی بنا تھا حبیبِ خدا کا جمال مکرم سزاوارِ تحسینِ حمد و ثنا تھا بہارِ لطافت میں بے مثل و ثانی گُلِ بے خزاں عارضِ مصطفیٰ تھا مدوّر جو کہتے ہیں چہرے کا عالَم وہ تدویر سے بھی وراء الورا تھا وہ صَلِّ عَلٰی گندمی رنگ اُن کا کہ عارض رُخِ عالمی نور کا تھا چمکتا تھا کیا نورِ حُسنِ صباحت فروغِ ملاحت دمکتا ہوا تھا مزیّن تھا پیراہنِ اعتدالی خوش اندام اندامِ خیرالورا تھا وہ جسمِ مبارک کی روشن سیاہی کہ سر چشمۂ نور جس پر فدا تھا وہ دنداں لبِ غیرتِ دُرِّ مکنوں وہ حُسنِ تبسم کا عالم نیا تھا وہ بحرِ تبسّم میں موجِ لطافت کہ در یوزہ گر جس کا آب ِ بقا تھا وہ حُسنِ ادا کس زباں سے ادا ہو تبسم میں اُن کے جو حُسنِ ادا تھا کرے اُس شمائل کا کیا وصف، کافؔی سر۔۔۔
مزید
رہی حسرت کہ گیسو کو نہ دیکھا سرِ زلفِ معنبر کو نہ دیکھا نہ پوچھو کشتۂ دیدار کا حال فروغِ عارضِ گُلرو نہ دیکھا رہے اکثر کفِ افسوس ملتے مگر اُن ہاتھ کو ہم نے نہ دیکھا ہزاروں کے تڑپنے کا تماشا قفس میں تو نے وہ گُلرو نہ دیکھا بھلا کہنے کہ کیا دیکھا جہاں میں اگر کافؔی نے ہم کو یاں نہ دیکھا ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
اَیُّھَا الْعُشَّاق شیدائے جنابِ مصطفیٰﷺ عینِ ایماں ہے تولّائے جنابِ مصطفی ٰﷺ روکشِ گُل گشتِ جنّت ہے اگر ہوئے نصیب شعل اوصافِ سراپائے جنابِ مصطفی ٰﷺ لا کہ خورشیدِ قیامت کو تَصدّق کیجیے بر سرِ یک نور سیمائے جنابِ مصطفی ٰﷺ باعثِ ایجاد طاقِ جنّتِ فردوس ہے طاقِ ابرو قوس زیبائے جنابِ مصطفی ٰﷺ اَبْدَبُ الْاَشْفَار جن کے وصف میں وارد ہُواہیں وہ مژگانِ صف آرائے جنابِ مصطفی ٰﷺ ہے نصیب العین جن کے کحل مَا زَاغَ الْبَصَر ہے وہ زیبا چشمِ رعنائے جنابِ مصطفی ٰﷺ مظہرِ نورِ الٰہی حَبَّذَا صَلِّ عَلٰیبینیِ اَقدس معلّائے جناب ِ مصطفی ٰﷺ چشمۂ آبِ بَقا تسنیم و کوثر سلسبیل رشحۂ لعلِ شکرخائے جنابِ مصطفیٰ عارضِ حورانِ جنّت کو نہ دیکھے آنکھ بھر والہِ حُسنِ کفِ پائے جنابِ مصطفی ٰﷺ آنکھ خورشیدِ قیامت سے لڑائیں لاکھ بار عاشقانِ چ۔۔۔
مزید
چمکا جہاں میں جب مہِ اقبالِ مصطفی ٰﷺ ماہِ سپہر ہو گیا پامالِ مصطفی ٰﷺ اک زلزلہ سا کوشک کسریٰ میں پڑ گیا چمکی جو برقِ شوکتِ اجلالِ مصطفی ٰﷺ دعویٰ ہوا ہے کانِ جواہر کا گوش کو سُن کر حدیثِ لعل پُر افضالِ مصطفی ٰﷺ بس آرزو یہی دلِ حسرت زدہ کی ہے سنتا رہے شمائلِ اَحوالِ مصطفی ٰﷺ کافؔی ہے اپنے واسطے گر منکر و نکیر دکھلائیں لا کے قبر میں تمثالِ مصطفی ٰﷺ ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی)۔۔۔
مزید
پیدا ہوئے وقتِ سحر حضرت محمد مصطفی ٰﷺ فخرِ مَلک فخرِ بشر حضرت محمد مصطفی ٰﷺ با جلوۂ نورِ ضیا با شان اجلالِ ہُدا پیدا ہوئے والا گہر حضرت محمد مصطفی ٰﷺ اس تہنیت کی دھوم تھی مشرق سے لے مغرب تلک باشانِ رحمت جلوہ گر حضرت محمد مصطفی ٰﷺ کافؔی ہوئے پیدا نبیﷺ با صد ہزاراں آگہیبرجِ رسالت کے قمر حضرت محمد مصطفی ٰﷺ ۔۔۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی)۔۔۔
مزید
جس کو عشقِ سیّد کون و مکاں حاصل ہوا اہلِ ایماں میں اُسی کا مرتبہ کامل ہوا ہے وہی اہلِ جہاں میں اہلِ دل، اے دو ستو الفتِ خیرالورا میں جو کوئی بے دل ہوا مسکنِ حُبِّ رسول اللہ جس کا دل ہوا وہی عارف، وہی کامل، اور وہی واصل ہوا حرزِ جاں جس نے کیا اسم ِ رسول اللہ کو اس کے اوپر سے تمامی درد و غم زائل ہوا یوں ہوا وارد حدیثِ صاحبِ لَوْلَاک میں جو مکاں کوئی جہاں میں قابلِ محفل ہوا ہے سعیدِ دو جہاں وہ جو کوئی لیل و نہار نعتِ اوصافِ رسول اللہ کو شاغل ہوا اور اہلِ بزم نے بھیجا وہاں مجھ پر دُرود نورِ رحمت اُن سبھوں کی جان کا شامل ہوا نوح کی کشی ہے حُبِّ اہلِ بیتِ مصطفیٰﷺساحلِ مقصد پہ پہنچا اُس میں جو داخل ہوا رحمتِ عالَم کا، اے کافؔی! وسیلہ جب کیا حَلّ و آساں واہ واہ کیا عقدۂ مشکل ہوا ۔۔۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی)۔۔۔
مزید
مجمعِ احمدیﷺ پھر نعت سنائے آیا کفر کو توڑ سبھی دین بسانے آیا نعت وہ چیز ہے رکھ گوش کو سنیو جاں سے فاسقوں کے تئیں ترتیب سکھانے آیا سچ ہے فرمانِ نبیﷺ اجہلو مشرک بے شک اُن کو کر پند مسلمان بنانے آیا مشرکو! غل نہ کرو آج برآمد ہیں رسولﷺ اور ہے راست دل و جاں سے لے جانے آیا \ جن کے ظاہر ہے جہاں معجزے اظہر، وَاللہ! کر سنا و اعظاہر اک دل کو لگانے آیا مومنو! مجمعِ غفار بنیں کیا روشن ادب و تعظیم سکھا اور پڑھانے آیا یا شہِ ہر دو سرا ہم کو تو اقدام بتا بندۂ کافؔی بھی سر اپنا جھکانے آیا ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی)۔۔۔
مزید
بال، پر والے گئے اُڑ کر مدینے کے قریب میں پہنچتا کس طرح بے پر مدینے کے قریب پا شکستہ، نا تواں بے توشہ رہ گم کردہ ام کاش پہنچا دے کوئی رہبر مدینے کے قریب آہ قسمت گر مِرا تائید پر ہوتا نصیب میں پہنچتا اب تلک جا کر مدینے کے قریب روضۂ اقدس کو با عینِ ادب دیکھا کروںدے مکاں گر خالق ِ اکبر مدینے کے قریب اُس دیارِ جاں فزا میں کاش ہم پائے وطن پھرتے رہتے روز شب اکثر مدینے کے قریب میرے جسمِ ناتواں کو بر سرِ سیلِ شریک تو جو پہنچے موجِ چشم تر مدینے کے قریب جتنے ہیں وہ ساکنانِ روضۂ خلدِ بریں پھرتے رہتے ہیں جو وہ اکثر مدینے کے قریب آہ دردا وا دریغا حسرتا وا حسرتا کاش کے ہوتا مِرا بھی گھر مدینے کے قریب وجد کے عالَم میں جاتا لوٹتا آنکھو کے بل دیکھ کر وہ گنبدِ اَخضر مدینے کے قریب سنی جَنَّات تَجْرِیْ تَحْتَھَ۔۔۔
مزید
خدائی کے لائق سردار، یا رب! سبھی جز و کُل کا خبر دار، یا رب! کروں کس سبب کا سہارا بھروسہ توئی خضر سب کا مددگار، یا رب! تِری رحمتوں کا ہزاروں کڑوڑوں رواں ہے یہاں بحرِ زخّار، یا رب! کروں کس زباں سے بھلا حمد تیری زباں میں نہیں تاب ِ گفتار، یا رب! دل افسردۂ تشنہ کام جاں ہوں زباں خشک ہوں صورتِ خار، یا رب! عطا کر مِری آرزوئے دلی کی تمنّا سے دل کی خبردار، یا رب! خبیر و علیم و سمیع اور ناظر یہ سب وصف تیرے نمودار، یا رب! نہیں تیرے اوصاف کی حدّ و غایت کہاں تک کرے کوئی اظہار، یا رب! توئی منعم و معطیِ ہر عطا ہے کرے جود و بخشش بھی بسیار، یا رب! مجھے بخش دے اے بڑے رحم والے تِرا نام ستار و غفار، یا رب! تِرے در سے محروم جائے نہ کافؔی نہیں تجھ سوا یاور و یار، یا رب! ۔۔۔۔۔۔۔۔۔۔۔۔۔۔۔۔۔۔(دیوانِ ۔۔۔
مزید
لَیْلَۃُ الْقَدْرہے یاں جلوہ نما آج کی رات صحرِ عید ہے یاں پردہ کشا آج کی رات شب ِ قدر صحر عید کو یاں کیا رتبہ ہے شبِ مولدِ محبوبِ خدا آج کی رات گرم عترت تھے بہم اہلِ زمین وحشں و طیور تہنیت گو تھے بہم اہلِ سما آج کی رات ہے شگفتہ ہوائے طرب و عیش و سرور غنچۂ خاطرِ اربابِ ولا آج کی رات انبیا شیوہ تسلیم بجا لاتے ہیں مولدِ صاحبِ لَوْلَاک میں آ آج کی رات دنگ ہے پیرِ فلک چشم کواکب حیران جلوہ گستر ہے یہ کچھ نور ضیا آج کی رات دست مشّاطۂ قدرت نے لیا اپنا تھام دیکھ اس عارضِ تاباں کی ضیا آج کی رات صورت ِ سایۂ دیوار بزیرِ مولا ہے شبِ قدر بھی سر گرمِ دعا آج کی رات روئے پُر نور پہ وہ گیسوئے مشکیں کی بہار ظلمتِ نور کا کیا رنگ لڑا آج کی رات ہو کے موسیٰ سے بہم دست بغل و حدت میں گر پڑے دیکھی جو مولا کی ضیا آج کی رات ۔۔۔
مزید
تختِ مولد پہ جس نے قدم آج کی رات دوشِ کعبہ نے لیا جس کا علم آج کی رات تاجِ طٰہٰ بسر و تیغ فَتَحْنَا بہ کمال آیا کس دھوم سے وہ شاہ ِ اُمم آج کی رات مولدِ صاحبِ لَوْ لَاک میں ہیں گرم طراز اَنبیا، حور و ملائک ہوں بہم آج کی رات آمدِ احمدِ مختار کی ہیبت یہ اُٹھی سر کے بل گر گئے عالم کے صنم آج کی رات گر گئے تختِ شیاطین و سلاطینِ زمیں اور کسرا کا ہوا قصر علم آج کی رات کفرِ کافر کے جو دفتر ہیں پھ دیکھا برہم سجدۂ شکر میں تھے لوح و قلم آج کی رات بطفیلِ شبِ میلاد دعا کر، کافؔی! جوشِ رحمت پہ ہے دریائے کرم آج کی رات ۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
بروزِ جمعہ جو بہت دُرود و صَلَوَات نہ ہوئے کیوں کر اُسے نارِ دوزخی سے نجات کہا خدا نے پڑھو مومنو نبی پہ درود بس اب ہمیں تو یہ ورد و دُرود ہے طاعات گر آرزوئے قبولِ دعا ہو، اے لوگو! بروزِ جمعہ پڑھو تم دُرود ہر اوقات دعا کے ساتھ نہ ہوئے اگر درود شریف نہ ہوئے حشر تلک بھی برآمد حاجات قبولیت ہے دعا کو دُرود کے باعث یہ ہی دُرود کے باعث کرامتِ برکات دُرودِ جمعہ بلا واسطہ پہنچتا ہے بگوشِ پاکِ جنابِ نبیﷺ ستودہ صفات خدائے پاک سے یہ آرزو ہے کافؔی کی دُرود سرورِ عالَم پہ پہنچے دن رات ۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
خوش آمدید