رخِ حبیبِ خدا ہے دو عالَم آرا چاند کہ جس کے نور سے روشن ہے ہر ستارا چاند ظہورِ نورِ رسولِ خداﷺ کے باعث سے ہوا ہے مہرِ درخشان و آشکارا چاند سپہر حسن پہ روئے شریف کے آگے سہا کی شکل ہے ادنیٰ سا ایک تارا چاند جبیں کے نور پہ خورشید لاکھ بار نثار بلالِ ناخنِ پائے نبیﷺ پہ وارا چاند تجلّیِ شبِ معراج کی نہ لایا تاب فلک سے گر گیا اُس رات میں کنارا چاند بجز اشارۂ انگشتِ صاحبِ لَوْلَاک دو بارہ پھر نہ فلک پر ہوا دو پارا چاند پڑی ہے شرق سے تا غرب دھوم، اے کافؔی! کہ آسمان سے سوئے زمین اتارا چاند ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
بہار ِ خُلد ہے روئے محمدﷺ شمیمِ جاں فزا روئے محمدﷺ سہی سروِ ریاضِ بے مثالی قدِ رعنائے دل جوئے محمدﷺ نہ دیکھا ہو زمیں پر جس نے فردوس دہ آ کر دیکھ لے روئے محمدﷺ کوئی پیدا ہوا ایسا، نہ ہوگا عدیم المثل ہے روئے محمدﷺ ہمیں ہے وہ جگہ محرابِ طاعت جہاں ہے ذکرِ ابروئے محمدﷺ دلِ وحشی ہے زنجیریں تُڑاتا بشوقِ یادِ گیسوئے محمدﷺ بس اب کافؔی ہے آگے جائے آداب کہاں تو اور کہاں روئے محمدﷺ نامِ حضرت پہ لاکھ بار دُرود بے عدد اور بے شمار درود ہم کو پڑھنا خدا نصیب کرے دم بَہ دم اور بار بار درود کون جانے دُرود کی قیمت ہے عجب دُرِّ شاہوار درود مومنو! آپ پر پڑھے جاؤ با ادب اور با وقار درود تا بکے عشقِ گُل میں نوحہ گری گُل سے بہتر ہے ای ہزار درود جائے مرہم ہے دل فگاروں کا راحت ِ جانِ بے قرار درود نزع میں، گور میں، قیامت میں ہرجگہ یار غم گُسار درود جو محبِّ نبیﷺ ہے، اے کاف۔۔۔
مزید
عاصیو! جرم کی دوا ہے درود کیا دوا عینِ کیمیا ہے درود سب عبادات میں ہے شمول ریا پر عباداتِ بے ریا ہے درود ایک ساعت میں عمر بھر کے گناہ کرتا معدوم اور فنا ہے درود حشر کی تیرگی، سیاہی میں نور ہے، شمعِ پُر ضیا ہے درود چھوڑیو مت درود کو، کافؔی! راہِ جنّت کا رہ نما ہے درود ۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
کیا کروں لے کے فقیرانِ جہاں کا تعویذ نامِ حضرت ہے مجھے حفظ و اماں کا تعویذ سچ تو یہ ہے کہ زباں بندیِ اَعدا کے لیے ہوگیا وصفِ نبیﷺ میری زباں کا تعویذ بہرِ رفعِ مرض و رحمت و رنج و کلفت ڈھونڈتے پھرتے ہیں وہ لوگ کہاں کا تعویذ تم پڑھو صاحبِ لَوْلَاک پہ کثرت سے درود ہے عجب درد نہاں اور عیاں کا تعویذ بخدا ہم کو بجز وردِ دُرود و صلوات کوئی، کافؔی! نہ ملا راحتِ جاں کا تعویذ ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
سنا جب ہست غیر آیا وہاں چاک ِ گریباں پر نظر یاں غیرتِ الفت نے کی تاراج داماں پر یہ کس کے مُسکرانے کا تصور دل میں آیا تھا کہ بجلی نور کی سی رات بھر گرتی رہی جاں پر تکلف بر طرف یہ تیرے دیوانے کا عالَم ہے کہ جاتا وجد کے عالَم میں ہے خارِ بیاباں پر دکھائی تیرہ بختی نے نہایت ظلمتِ فرقت نظر کر اب تو وہ رشکِ قمر شامِ غریباں پر قفس میں ہم اسیروں کا یقینِ یاس، اے کافؔی! کھلا ہے دیدۂ اُمّید اب تک لطفِ یزداں پر ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
ہو سکے کس سے بیان آپ کی شانِ اعجاز کیا کہوں شانِ سراپا ہے وہ آنِ اعجاز نرگسِ گُلشنِ مَا زَاغ ہے وہ چشمِ شریفموئے مژگانِ مبارک رگِ جانِ اعجاز ماہ کیا حشر کا خورشید کریں دو ٹکڑتے آئیں گر برسرِ اعجاز بیانِ اعجاز تھا جو گلدستۂ گلزارِ تجلّی وہ قد سائے سے دور رہا مر درِ آنِ اعجاز بحرِ اعجاز تمامی حرکات و سکنات ذاتِ محبوبِ خدا مخزن و کانِ اعجاز پشتِ آہو پہ ٹھہرا تو اُٹھی اس سے شمیم دستِ حضرت تھا عجب مشک فشانِ اعجاز سوزنِ گم شدہ صدّیقہ نے پائی اپنی کھل گیا کچھ بَہ تبسم جو دہانِ اعجاز پائے اقدس کا نشاں حشر تلک باقی ہے جس جگہ سنگ ہے پشت نشانِ اعجاز ہے شفا بخشِ مریضانِ جہاں، اے کافؔی! لبِ اعجاز کا وہ آب ِ دہانِ اعجاز ۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
دلِ مشتاق کی ہے آرزو بس کہ اُن قدموں پہ دیجے جان تو بس تڑپنا لوٹنا اس خاکِ در پر یہی حسرت، یہی ہے آرزو بس ملے گر خاکِ صحرائے مدینہ دلِ صد چاک ہو جائے رفو بس کسی ڈھب ہو رسائی اُس گلی تک یہی کوشش، یہی ہے جستجو بس تمامی ہم صفیر منزل کو پہنچے فقط پہنچا نہ کافؔی آہ تو بس ۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
گُل سے کچھ الفت نہ مجھ کو گلستاں سے اختصاص ہے مگر مدحِ شفیعِ عاصیاں سے اختصاص جو ہوا مشغولِ اوصافِ جنابِ مصطفیٰﷺ اُس کو حاصل ہوگیا ا ہلِ جناں سے اختصاص ہو نحو میں خوشہ چینِ خرمنِ مدحِ شریف ہے مد یحِ خاتمِ پیغمبراں سے اختصاص تجربے کی بات ہے جس نے کیا وِردِ دُرود اُس نے حاصل کر لیا امن و اماں سے اختصاص کب تلک شوقِ زباں سے، چل مدینے کی طرف یاں کی الفت چھوڑ کاؔفی کر وہاں سے اختصاص ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
رسولِﷺ مجتبیٰ ہیں صاحبِ حوض حبیبِ کبریا ہیں صاحبِ حوض وہ کیسا حوض جس کا نام ’’کوثر‘‘ کہ جس کے مصطفیٰﷺ ہیں صاحبِ حوض مقامِ شکر ہے، اے خیرِ اُمّت! ہمارے رہ نما ہیں صاحبِ حوض برائے تشنگانِ روزِ محشر بنے شکرِ خدا ہیں صاحبِ حوض اُدھر ہے شعلہ زن دوزخ تو کیا ہے اِدھر بحرِ عطا ہیں صاحبِ حوض نہ آنے دیں گے ہم پر نارِ دوزخ برے اعتقا ہیں صاحبِ حوض تمامی درد و رنج و غم میں، کافؔی! ہماری تو دوا ہیں صاحبِ حوض ۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
جب تلک باہم ہو، یا رب! جسم و جاں کا ارتباط نعتِ حضرت میں رہے میری زباں کا ارتباط صاحبِ لَوْلَاک کو پیدا نہ کرتا گر خدا کا ہے کو ہوتا زمین و آسماں کا ارتباط خوش نہیں آتا ہے کوئی شعر اب اُن کے سوا ہوگیا مدحِ نبیﷺ میں مدح خواں کا ارتبا ط صدمۂ فرقت میں کب تک دیکھیے باقی رہے نالۂ شب گیر سے آہ و فغاں کا ارتباط چل مدینہ طیّبہ کو چھوڑ کر شہرِ وطن اِس مراد آباد سے، کافؔی! کہاں کا ارتباط ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
سنا ہے جب سے اسمِ حضرتِ خیر الورا شافع مقام فخر ہم کو مل گیا ہے کیا بڑا شافع سناتا ہوں یہ مژدہ میں تو ا ہلِ کبائر کو کہ ہیں ہم سب کے محشر میں حبیبِ کبریا شافع دکھایا تم نے جس کو گورمیں دیدار، اے سرور! بچاؤ قبر کی ظلمت سے، اے بدر الدجیٰ شافع! پڑھے جاؤ دُرود اُس رحمتِ عالَم پہ، اے لوگو! کہ جن کا نام احمد ہے محمد مصطفیٰ شافع ہوا ثابت عَسٰۤی اَنۡ یَّبْعَثَک رَبُّک سے، اے کافؔی! کہ مقبولِ شفاعت ہیں وہ محبوبِ خدا شافع ۔۔۔۔۔۔۔۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
نورِ ایماں ہُوا دُرود شریف دُرِّ افشاں ہُوا درود شریف جس نے حُبِّ دلی سے ہو ثابت با وضو ہو پڑھا درود شریف پایا دونوں جہاں میں وہ دولت اس کا شافی ہوا درود شریف نا تو ایسا ہوا نہ ہوئے گا اُس کا ہادی ہوا درود شریف دوستو! ہوگا سب میں وہ غالب جس سے راضی رہا درود شریف گرچہ عاصی سے کچھ نہیں طاعت لیک ہامی ہُوا درود شریف ہو رضا جس میں ہو خدا راضی ہم کو کافؔی ہوا دُرود شریف ۔۔۔۔۔۔۔۔۔۔۔۔۔(دیوانِ کافؔی) ۔۔۔
مزید
خوش آمدید